رواية قدر الزين بقلم أيات الرحمن
غير ماحد يعرف وبعدها تسيبني وكملت بصوت عالي
لا يا بابا فووووق دا انا قدر يعني قدرك الاسود دا انا اوديك ورا الشمس من غير ما تعدي علي القمر فاهمني
لا ماتبصليش كدا يازين وكملت پبكاء طفولي
عشان انا بخاف
هو انت عليك عفريت عيونك لونهم احمر انا اعرف دجاله عندنا في الشارع تصرفه عنك في لحظه بس ثق فيا
مستر زين انت بتقرب كدا ليه
يا ناس يلي برا حد يلحقني هلباوى بيه ھيموتنى هنا
بص يامستر خلاص
وللحظه كان زين لزقها في الحيط ومش في بينهم غير كام سنتي
زززززين هههتعمل ايه انت بتبصلي كدا ليه
طب اتكلم وبلاش تفضل ساكت
قدر
واخيرا اتكلمت
تعرفي اللي مصبرني عليكي ايه
ايييه حبيتني صح
ههههههه
اول مره اشوف ضحكتك
واخر مره تشوفيها
ليه
دا اللي عندي
قرب وهمس في اذنها بصوت مش مسموع
عشان فيكي شكل منها
هى مين
مراتي
الصدمه كانت كبيره علي قدر هي حبيته من اول يوم شافته فيه لكن ماكانتش تعرف ان هو متزوج
بس الحقيقه غير كدا ان زوجته متوفيه
عيون زين كانت مركزه مع عيون قدر اللي اتحولت من البراءه للدموع والكسره
دا اللي مصبرني عليكى وكمان ظروف والدك غير كدا انا مستحيل اعين في شركتي واحده زيك وكمان مااسمحش ان واحده في مركزك تمسح ارضية الشركه دى
وبعد عنها شويه ولف ظهره وقال
انا سددت ديونك ووالدك هيعمل العمليه
وانتى هتشتغلي هنا ليل ونهار لحد ماتخلصي اللي عليكي وبعد كدا ترجعي تشتغلي الكام ساعه اللي بتشتغليهم هنا تاني من غير ساعات اضافيه
فهماني
ردي عليا بكررره الصمت
فهماك
الكلام دا كله بدايته من بكره غير كدا لو فكرتي بس تغيري الاتفاق
مكانك هيكون السچن المنفرد ودا مش تبع الشړطه
دا خاص بيا بزين الصقر يلا علي شغلك
استنى
ايوه
لو سمعت ان انتى عملتى اي غلطه هتتخصم من المرتب وساعات العمل هتذيد
يلا اخرجي
وقعدت علي مكتبها وهى سرحانه وزين شايفها من خلال الكاميرات اللي متركبه في الشركه
هتستنى ايه يا قدر من واحد ابن اكابر زى ده هتستنى يحبك دا مستحيل يعطف عليكى ومفيش حاجه ببلاش
الشغل كله بدء يتجمع قدامها وهى في عالم تانى مش مركزه مع اى حاجه
وبتفكر ازاى هتقدر علي كل ده
وهنا بتيجي سكرتيرة زين الخاصه وبتقول ليها زين عايزها في مكتبه وشكله مش ناوى ليها علي خير
رواية قدر الزين الحلقة الخامسة
روز ممكن اعرف القمر سرحان في ايه
قدر
قدر قدر قدرررررر
ايه يا روز في ايه
انا بكلمك من ساعه يابنتى انتى روحتي فين
مفيش يا روز انا بس مشغوله شويه
طب بصي ايه رأيك بعد مانخلص نروح مكان هادى نتكلم شويه
موافقه بس اخلص الشغل دا
انا هخلصه معاكي
مستر زين هيعمل ليا مشكله
ماتخافيش مش هيعمل حاجه انا خلصت شغلي ومراد معاه جوا اصلا
مين مراد
مراد دا بقي ياسيتي قرة عيني المستقبلي
قرة عينك المستقبلي ازاى
خطيبي وكلها شهور ونتزوج
اهااا بتحبيه
بحبه ايه يابنتي انا معديه المرحله دى من زمان انا بعشقه بهواه ب
بس انتى ماصدقتي حد يكلمك عنه
ههههههه اصل دا العشق بقي ههههههه ومابصدق تيجي سيرته
ربنا يخليكم لبعض هو كمان بيحبك
اتنهدت روز بحزن وقالت ساعات بحس ان هو مش بيحبني ومجبر عليا
ازاى
نخلص شغل وبعدين نتكلم
اوك
وبعد شويه
ايه يا روز مش هترجعي البيت
رديت بحرج هرجع بس لما اخلص مع قدر
تمام انا مضطر امشي دلوقتي ولما تخلصي ارجعي مع زين
او ابقي كلمينى وانا هاجى اخدك
حاضر
وفضلت روز عيونها معاه لحد مااختفي من قدامها
وبعدين كملت الشغل مع قدر
مستر زين انت هترجع البيت دلوقتي
لا لسه قدامى ساعتين
طب خلاص انا هخرج مع قدر
مفيش خروج في شوفير هترجعي معاه البيت انتى ناسيه اخر مره ايه اللي حصل بينك وبين مراد
قالت روز بطفوله بس انا عايزه اخرج مع قدر
اخد زين نفس طويل وقال
روز بلاش شغل الأطفال ده ويلا عشان ترجعي البيت قدر مش هتهرب يعنى وبكره بإذن الله هتروحى معاها عشان تشترى ليها لبس يليق بسكرتيرة زين الصقر
وانتي يا قدر بكره ماتنسيش تفكرينى اظبط ليكي مواعيد العمل الدراسه هتبدء كمان اسبوعين ولازم نظبط المواعيد عشان كليتك
بس حضرتك قولت ان هشتغل من اول اليوم
