مكنتش بنام!
انت في الصفحة 1 من صفحتين
مكنتش بنام!
رجعت من شغلي في يوم بتنطط من الۏجع لدرجة إني دخلت كسرت معظم جهازي وأنا مش حاسس.
مراتي استغربت وجات ناحيتي بتسألني في إيه؟
زقيتها وبيقت زي المچنون، وداني فيها صوت مش طبيعي وألم في حياتي ما جربته، بقيت بخرَّف بكلام والعياذ بالله شرك لكن والله كان ڠصب عني، روحت كشفت عند دكاترة كتير وقالولي " فطريات وهتروح "
كانوا بيدوني مطهر وقطرة لوداني وكل ما أروح ينضفوا عليها بس الألم كان بيزيد .. سألت صحابي في الشغل عن دكتور كويس، جه واحد صاحبي اداني عنوان دكتور وقالي إن الدكتور ده هيجيب الخلاصة!
دخلت العيادة من هنا ولاقيت قلبي بيرتعش من البهجة، كان مشغل سورة " غافر " بصوت منصور السالمي.
قعدت سندت على الحيطة ومستني دوري بهدوء وسکينة.
بقول للبنت إزاي عشرة جنيه، الدنيا غالية جدًا؟
ابتسمت وقالت " هو ده نظامه من زمان "
دخلت للدكتور وعندي فضول لشكله، وهيئته، حاسس براحة من أول ما دخلت المكان، ده حتى الكشف يُغتبر ببلاش؟
اللي زاد استغرابي إنه دكتور معروف وواخد شهادته من بره مصر وكمان أنا كنت بدفع ب ال 200 جنيه في الكشف!
دخلت عليه لاقيته راجل في سن الأربعين، ملامحه هادية جدًا ومريحة، ضحكته لوحدها تشفي، قعد يهزر معايا شوية وبعدين حط إيده في كيس وطلَّع شكولاتة وحطها في ايدي؟
أول سؤال حضرني في الوقت ده " ليه كشفك رخيص؟ "
قعد ينضف في وداني ويحشيها فتيل بكل دقة وبعدين قال:
" عارف أنا في الأول كان الطمع في قلبي وتقريبًا كان كشفي أغلى كشف في المنطقة هنا، وكان في ناس كتير بتيجي بس أقسملك بالله ربنا ما كان بيباركلي في الفلوس، مكنتش عارف بتروح مني إزاي؟ وفي يوم حصل معايا موقف من طفل لحد الآن بيرن في وداني، كان موقف عبارة عن درس ليا وإشارة من ربنا، فقررت بعدها أستودع رزقي في إيد ربنا وخليت الكشف عشرة جنيه "
