مش حاسس بالامان من زوجتي
السلام عليكم أنا عندي مشكلة في زوجتي مش عارف اسميها أية عدم اما نة ولا سړقة ولا خېانة للعشرة المهم احنا متزوجين من 22 سنةعن قصة حب متبادل من الطرفين بعد سنتين من الزواج جالي سفر للسعودية فبعت عربيتي واشتريت بتمنها شقة كتبتها باسم الزوجة لأن مش هينفع اكتبها باسمي ممنوع شقتين تبع التعاونيات باسم شخص واحد المهم سافرت والزوجة معايا وبعد كام سنة لاقيتها بتتكلم علي أساس أن الشقة بتاعتها وطبعا هي مش بتشتغل ولا معاها فلوس قلت استحمل عشان الدنيا تمشي وعشان الاولاد لاكن للاسف مش هو دا الموقف لوحدة يعني مثلا أنا جبتلها عربية زيرو من السعودية وقبل ماننزل نهائي قالت أنا عايزة مبلغ عشان مش كل ما اجي أخرج بالعربية أفلاك هات فلوس احط بنزين للعربية اديتها ما يقارب 150الف تقريبا ولما نزلنا مصر لقيتها بتتفق مع والدتها تديها الفلوس دي تشطب بيهم الشقة قلتلها أنا آسف أنا مديلك الفلوس دي بنزين للعربية والكلام قدام والدتها غا راحت حطت الفلوس وديعة وبقت تطلب مني فلوس بنزين الحقيقة مواقف كتيير بالمنظر دة ولما جمعت والدها ووالدتها واخواتها عشان احكيلهم للاسف والدها مااتكلمش خالص ووالدتها قالت انتا عايز تاخد منها كل حاجة والموضوع كان واصل للطلاق اضطريت أتراجع واستحمل عشان الاولاد لكن للاسف مش قادر انسي بالرغم من اني حاولت كتيير واللة وصعبان علية عمري اللي قضيتة في الزعل و اني احس بأمان مع زوجتي وطبعا موقف أهلها اللي مافيش واحد قال كلمة حق زاد من احساسي بالظلم أنا هافول لحضرتك علي أقل حاجة اني اتحرمت من نعمة اني افرح وانا بجيب هدية لزوجتي في أي مناسبة واحيانا بيبقي ماليش نفس اشتري حاجات للبيت من أكل وخلافة بالرغم من اني الحمد للة مرتاح ماديا أنا مش عارف اعمل اية واللة
