قصة العروس المظلومة
الفندق اللي عملتي فيه عرسك ... قبل شهر اختلفوا عإشي تافه ... و قالتله اتركني ما بدي ياك ما بحبك ... وسمع هيك ... ولانها دايما بتحكيله هيك حلفلها الا ليتزوج وحدة احلى منها بنفس الفندق ونفس الساعة ... وبنفس البيت اللي نقته قطعة قطعة ... وليخليها تتحسر ... عهالكلمة ... .. وفعلا عملها بالرغم من انه اهلي عارضوه ... بس خلص الا ما يتزوج وحدة تانية .. واتزوج .. ليعلمها درس
قعدت يومين غير متوازنة مو عارفة شو اعمل والحال عحاله ... جامد معي عالآخر ... قررت انا اتقرب منه اتمكيج واتعطر ... بس هو يبعد ...
انا فارس ما حبيته لانه ما اعطاني مجال احبه ... بس فكرة انه مره تشاركني فيه كانت بتقتلني ... ومن نظراته كان واضح جدا انه دايب فيها ...
ومرت شهرين وهو يصد كل محاولاتي ... و شوي شوي صار هو وبنت عمه ريم امورهم ترجع لمجاريها ... وصار يا هو عندهم يا هي عند اهله ... وانا من جوة بتقطع ...
رحت عند اهلي وقعدت مع بابا قلتله انا بدي اتطلق ... وانا اصلا بنت بنوت وبابا ما رضي ...ما عنده بنات للطلاق مع انه عندي اخت مطلقة ووراها عر ولاد ...ماما بهدلتني
روحت عالبيت منهانه اكتر.. ودبلت اكتر ... والضحكة اللي ما كانت تفارقني بطلت اطلعها الا بالڠصب .... وخلال اسبوع عفش شقة الهم بنفس الشارع.... الهم بالاساس وكانوا مأجرينو وانا حسيت الارض بدها تنشق وتبلعني ... قعدوا معي حماي وحماتي ...
قلتلهم بدي اتطلق ...
قالتلي حماتي يا هلا يا حبيبتي ... ما تخربي بيتك بكرا بينصلح وبيرجعلك ... هو بحب ريم من همة وصغار وبالاساس بده يتزوجها ...وكنا عارفين انه رح يرجعو عاجلا ام اجلا ... عشان هيك رفضنا يتزوجك بس هو ركب راسه ...
صرت اعيط وفحمت من العياط وحضنتني حماتي .. وصارت تواسيني ...
