انا متزوج ومسافر الخارج وعندي طفل عنده سنه
سلام عليكم نزل لو سمحت دلوقت يا جماعه انا متزوج ومسافر الخارج وعندي طفل عنده سنه والحمدلله مكفي بيتي من مصاريف وزوجتي محترمه جدا وبنت ناس انا وزوجتي خريجين جامعه وزوجتي في الخطوبه كانت بتشتغل في مدرسه خاصه والدها اتفق معي اني طول فتره الخطوبه اسيب خطيبتي تشتغل ولما تبقي زوجتك لك حريه الاختيار تشغل زوجتك او ترفض وبالفعل سبتها تشتغل فتره الخطوبه وبعد الزواج قولتلها انا بسافر ورافض موضوع الشغل نهائيا و اي حاجه تحتاجيها مش هقصر فيها من مصاريف وبالفعل وافقت ومشتغلتش وبعد سنتين من الزواج جالها حاليا شغل حكومي في الجامعه ولكن طبعا المسافه بعيده من البيت وهتركب مواصلات تروح المحافظه وانا رفضت الشغل لان ابني صغير عنده سنه وعلي طول بيبكي كتير وميقدرش يبعد عن امه لحظه وهيا بتشتكي ان تربيته صعبه وبيتعب علي طول ويعيط كتير ومينفعش تسيبه لأي حد وبتقولي مينفعش أخده معايا الشغل وانا لازم اخاڤ علي ابني يا جماعه لانها هتسيبه مع حد وتاني حاجه انا رافض الشغل مش بحب الاختلاط ومن حقي اغير علي زوجتي وانا بسافر وقولتلها لما اقصر في اي مصاريف تعالي حاسبيني وطبعا هيا مصممه علي الشغل وأبوها كمان مصمم وزعلان ويقولي شغل حكومي محدش يرفضه الرجاله مش مضمونه انت لو طلقتها محدش هينفعها الا شغلها قولتها مفيش شغل وحاليا بتقولي لو موفقتش ابويا بيقولي تعالي وسيبي البيت وهاتي ابنك وتعالي وهو حر وانا مسافر حاليا ومصمم علي كلامي وهيا ماشيه ورا ابوها وقرايبها واللي هيقولي حد يضيع شغل حكومي طبعا انا اكثر واحد ادري بظروفي اللي انا فيها انا كده ابقي غلطان عاوز رأيكم واتصرف ازاي معاهم
