متجوزة من سنة لسه مفيش اطفال بيحبنى والحياه كانت جميله بينا خروج وفسح وهزار ودلع هو حنين وطيب ودمه خفيف وانا بحبه.
مشكله
متجوزة من سنة لسه مفيش اطفال بيحبنى والحياه كانت جميله بينا خروج وفسح وهزار ودلع هو حنين وطيب ودمه خفيف وانا بحبه.
بشتغل مرتبي 2500 وجوزى بيقبض 7000 داخل جمعية بألفين والف بيساعد بيه أخته عشان جوزها حاله على قده والف لوالدته مش بيحط فى البيت غير 3000 بس وانا بحط الفين.
قبض الجمعية وعايز يغير عربيته عشان قديمة بتكلم معاه إن انت المسؤول عن البيت والجمعية دى انا إلى هاخدها عشان انا بحط الالفين دول فى البيت وده دورك كراجل والمفروض متسمحش لحد يعمله مكانك عشان تحس انك راجل حتى وكلام زي كده بس طريقتي مكنتش كويسه الحقيقة بس انا مقصدس والله اهينه ولا اقل منه خالص بس الكلام جه كده .
قالى فى البداية تشكرى يا بنت الاصول على طريقة كلامك بس انا اكتر من مرة اقلك سيبي الشغل وانتى إلى رافضه وسهله خالص أدى الفلوس إلى سيادتك دفعتيهم فى البيت لحد النهارده ودخل جابهم من فلوس الجمعيه و من اللحظة دى متحطيش جنية تانى فى البيت وهما اصلا متحطوش فى البيت أغلبهم بترفهى بيهم عن نفسك عشان متصدقيش الكدبه البيت يمشي بال3000 كويس من غير جنيه من حد.
خدت الفلوس ومبقتش احط حاجه بس هو برضه لسه بيحط 3000 بس بيوفر بقي من حاجات زي الخروج كنا بنخرج مرة فى الاسبوع والمكان إلى اختاره مبقاش يخرجنى خالص .
كلمته نخرج وانا هعزمك قالى يحرم عليا جنيه واحد منك لحد اما اموت ده حتى انا بشرب نوع قهوه غالى شويه مبقاش يجيبه وجايب نوع رخيص جدا اشتريته وعملتله قهوه منه معايا داقه ومرديش يكمل وخلانى اعمله تانى من البن الرخيص.
لو اشتريت اكل من بره من فلوسي مش بياكل منه ويجبرني اعمل اكل فى البيت ولا منفذتش اي طلب ليه يصدرلى الوش الخشب وانا ولو يوم تعبانه مبيراعيش إلا لو غبت من الشغل بيقول مدام قدرتى تروحى الشغل يبقي مش تعبانه بالنسبالى البيت اولى من الشغل مش تخلصي طاقتك هناك وتتعبي هنا.
بكلمه انى غلطانه وحقك عليا ونرجع زي الاول قالى متجبيش السيرة دى تانى ولا تفكريني بيها ومتقصريش فى بيتك ودورك كست وانا هشيليك فى عنيا ويارت تسيبي الشغل ولو مش عايزه يبقي ميأثرش على البيت خالص
مش عارفه اعمل ايه ولا اراضيه ازاى
