جوزي مخاصمني

مساء الخير 
انا متجوزه من 3 سنين جوزي انسان محترم جدا وبيحبني جدا وعمره ما قصر معايا في حاجه , بيعاملني كاني بنته حرفيا 
پنتخانق كتير بس دايما يرجع يصالحني حتي لو انا اللي غلطانه 
من 17 يوم كان فرح بنت خالتي 
هو بيغير عليا جدا وانا مقدره دا لسبب ما اټخانقا لما روحنا 
لما اتخانقنا انا اتعصبت جدا لدرجه اني قولت كلام كتير والله انا مش فاكره 90% منه 
بس اخر حاجه قولتها 
انا مبحبكش انا وافقت بيك بس علشان معنسش وياريتني بقيت عانس 
انا والله مش عارفه انا قولت كدا ازاي هو سكت بعدها ودخل ينام انا عرفت انه زعل بس كنت فاكره انه هيقدر اني كنت مټعصبه وهيصالحني زي كل مره بس دا محصلش  حاولت انا اصالحه هو بيقولي مش زعلان بس هو اتغير قوي 

كان كل يوم قبل ما يروح الشغل يصحيني ويهزر معايا ونفطر ولما ييجي نتعشي ونقعد نتكلم مع بعض عن يومه او نسمع حاجه مع بعض 
دلوقتي بقي يجي يسلم عليا ويتعشي ويقعد لوحده 
حاولت كتير اصالحه واقوله انا اسفه هو بيقولي انه مش زعلان بس هو متغير معايا جدا حتي الخروجه بتاعت كل اسبوع بيخرجني بس هو مبيبقاش فرحان اقوله حاسه انك مش مبسوط يقولي انا اهم حاجه عندي تكوني مبسوطه 
ابوس ايديكم حد يقولي اعمل ايه علشان يعرف اني بحبه والله انا بمۏت كل يوم وندمانه جدا ومستعده اعمل اي حاجه علشان اصالحه انا كل يوم بعيط لما احس اني بوظت حياتي