سبع ايام في الجنه

من فضلك نزل رسالتي لاني مقهوره وحزينه ومش لاقيه تفسير للي حصل لو انتو بس تقولو سبب عشان ارتاح 
انا مطلقه من ٣ سنين ومعايا بنتي جالي واحد متجوز من محافظه تاني وعاوز 

زوجه تانيه عشان بيجي محافظتي كتير عشان له شغل فيها يعني صالونات والست اللي جابته كانت بتشكر فيه وانه مرتاح ماديا ويوافق ببنتك ومعندوش مشكلة انها تعيش معاكم وقعدنا معاه واتفقنا ووافق على كل طلبتنا و دفع مهر وقالي هاتي اللي انتي عاوزاه وعنده شقة 

تمليك في بلدي ومجهزها من كل حاجه وعملي فرح بس محدش من اهله حضر خالص لانهم ميعرفوش وديه كانت شروطه واحنا وافقنا لانه فعلا محترم واحترمنا ظروفه وعشان منخربش بيته وهو مقصرش في اي حاجه واتجوزنا يادوب اسبوع قعد معايا وسافر 

محافظته وبعد ما سافر اتغير تغير جذري مبقاش يرد عليا ولا يسال عليا وغاب شهرين على الوضع ده حتى مش بيرد على والدي لحد ما بعتله قولتله لو مردتش علينا احنا هنجيلك ونشوف في ايه ومالك بعدها كلم بابا قاله انا مش هقدر اكمل وبنتك مفيهاش اي عيوب بالعكس ست كويسه بس انا مش قادر اكمل وبدون اسئله  وهطلقها وحقوقها كلها المحامي بتاعي هيكلمك ويخلص معاك كل حاجه واختفى من كل البرامج اللي كنا بنتكلم عليها وبعت فعلا المحامي وطلقني وفضيت شقته من حاحتي ورجعت عند اهلي تاني  والمحامي ميعرفش اي حاجه او بينكر انه عارف حاجه وانا هتجنن مش عارفه ايه اللي حصل وغيره كده من ناحيتي ومقعدش معايا غير اسبوع واحد واختفى انا والله حبيته لانه خلوق وكريم ومفيش اي غلطه اقدر اقول عليها من ناحيته بس مش عارفه ايه اللي حصل وزعلانه على نفسي بعد ما قولت ده العوض من ربنا اللي بعتهولي يلعب بيا بالشكل ده  ويطفش انا مش عارفه اتصرف ازاي اروح له شغله ولا بيته واحاول ارجعه ولا اعمل ايه ياريت لو حد يقولي سبب للي هو عمله ده وتقولولي اعمل ايه قبل شهور العده ما تخلص ارجوكو تقولوي حتى كان شارط ان مفيش خلفه اول سنتين وانا للاسف سمعت كلامه وركبت وسيلة منع حمل عشان ميزعلش مني ياريتني ما كنت سمعت كلامه على الاقل كان هيبقى فيه حاجه تربطني بيه