انا اتجوزت واحد ارمل عنده بنتين

انا اتجوزت واحد ارمل عنده بنتين صغيرين والحمد لله بعامل البنات كويس جدا علشان يتامى وبحاول اعوضهم شوية عن امهم عارفه ان صعب التعويض لكن بحاول على قد ما اقدر 
 المشكلة في جوزي مره فتحت موبايله لقيته بيكلم أصحابه عن زوجته المتوفيه وبيحكيلهم قد ايه كان بيحبها ومستحيل ينساها ومفيش واحده في الدنيا تقدر تعوضها او تاخد مكانها انا شوفت الكلام ده بعيني ومثبت محادثه بينه وبين زوجته هي محادثه قديمه كانت بينهم وكان بيكلمها بشكل لطيف جداً ويغازلها بكلام عمره ما قالي زيه و رادد عليها برسالة جديدة مضمونها الله يرحمك يا حبيبة روحي وحتى لما بيلعب مع بناته على انفراد أنا ساعات اتصنت كده اشوف بيقولهم ايه وبسمعه بيقولهم انه كان بيحب امهم ومرة قال لبنتهم بطريقة عفوية وهو بيحضنها تعالي في حضڼي يا ريحة الغالية و بعدين لما اكتشف اني قاعده حسيت انه اتكسف مني لانه طبعا المفروض يراعي وجودي واحساسي واكتشفت انه مخبي صورتها في اوضة بناته وامه قالت انه كان بيعيط عليها بحىرقة زي الأطفال لما ماټت

 عارفه طبعا انها مټوفية الله يرحمها بس حازز في نفسي حبه ليها لحد دلوقتي وواضح انه كان بيحبها اكتر مني الف مره هو مش مقصر في حاجه ماديا او عاطفيا بس كل اللي بشوفه ده مزعلني جدا على نفسي وحاسه اني درجة تانيه بالنسبه له طبعا كل ده ملوش دعوة 

بالبنات وحبي ومعاملتي ليهم هما ملهمش ذنب بس حبه ليها الواضح لحد دلوقتي هو اللي ماثر عليا وعلى نفسيتي ومخليني مش مبسوطه معاه 
ومش عارفه اعمل ايه لو الطلاق حل وهو صعب يتغير 
قولولي وانا انفصل عنه رغم حبي ليه بس اوقات مش بقدر اتحمل تصرفاته دي