حماتي حتكون السبب في طلاقي

السلام عليكم ورحمة الله وبركاته دلوقتي يا جماعه عندي مشكلة كبيرة هتسبب في طلاقي ومش عارف ليها حل ارجوكم ساعدوني 
انا كنت متجوزه و جوزي اتوفى من سنتين و كان كتبلي الشقه قبل ما يتوفى وعندي ولد وبنت ٥ سنين و٧ سنين
و اتجوزت تاني في شقتي لان جوزي ظروفه مسمحتش يشتري شقه
دلوقت حماتي ام جوزي الاول كل شويه تيجي بدون اذن تزورني و ممكن تبات و تقول شقه ابني وولاد ابني وباجي اشوفهم  وجوزي بيضايق من وجودها جدا ومره طردناها بليل قعدت تدعي 
وتحسبن عليا وجابت ناس من اهلها واهلي وصالحونا واتفقنا ان الولاد هيرحوا لها كل اسبوع مره يشوفوها هي بعيده عننا ٣ محطات مترو فانا ودتهم ورجعت اخدتهم كذا مره بس قعدت شهر كنت تعبانه ومقدرتش اروحلها جات تاني وحاولت تبات بس جوزي ماشاها بالعافيه 

وللاسف غلط فيها وشتمها وخرجها بره الباب بالعافيه وقفل الباب وهي زي المره اللي فاتت فضلت تدعي وتحسبن علينا
انا مبقتش عارفه اعمل ايه وجوزي زعلان وعاوزني احل الموضوع ده لأنه مبقاش يستحمل وجودها وخاېف يعمل فيها حاجه ويتسجن فيها وانا بجد تعبت 
ومبقتش عارفه فكرت ابيع الشقه ونمشي خالص ونروح محافظه تاني جوزي مش موافق عشان شغله مينفعش يتنقل اعمل ايه 
و كمان پتكره ولادي فيا لما بيروحوا عندها ياريت تقولولي  اعمل ايه