مرات اخويا

السلام عليكم، عايز اخد رايكم
انا راجل متجوز وعندي 4اولاد، اول ما اتجوزت سكنت في بيت العيله بعدين ربنا فتح عليا وبنيت بيت وحالتي الماديه اتحسنت، بس مراتي كانت ديما تعايرني أنها رضت بيا لما ماكنش حيلتي حاجه حتي قدام اهلي، بعدين اخويا ماټ بعد جواز 4سنين وساب ولدين ومراتو ست جميله وهاديه زي النسمه واصغر مني ب16سنه، اتجوزتها واخدتلها شقه تمليك لأن اخويا كان مسكنها شقه اجار ، طبعا مراتي عملت مشكله كبيره وراحت لأهلها وطلبت الطلاق بس اهلها رجعوها مره تانيه، واتفقنا اني ح اعدل مابينهم، بعدين قولت لمراتي الثانيه تروح تزور مراتي الاولى قالت عادي وروحنا لبيتي وسيبتهم مع بعض ورحت سوبر ماركت، رجعت لقيت مراتي التانيه برا قدام باب البيت، سالتها مالك عيطت وقالتلي ان مراتي الاولى هزقتها وطردتها برا البيت، دخلت للبيت وقولت لمراتي اتأسفي لضرتك رفضت وصړخت دخلت لمېت هدومي وروحت لشقتي الثانيه، ليا 4شهور مادخلتش بيتي بس بروح احط طلبات البيت قدام الباب واخد الاولاد افسحهم، دلوقتي منعت الاولاد يطلعولي وبيكلموني بالتلفون عشان ارجع ادخل البيت عشان وحشتهم وكلموني أهلها كمان بس انا رافض ادخل البيت الا لما تعتذر لضرتها، ومش عارف اعمل اي