شرط جوازي

انا عندى 38 سنه مطلقه وعندي اولاد بس عايشين مع ابوهم لانه بيصرف عليهم فى المدارس والاجازه عندى انا عايشه مع امي فى الشقه واخويا فوق واخواتى البنات ساكنين قريبين مننا طبعا حضرتكم عرفين البيت لما بيتجمعوا عن ولدتى المنظر بيبقا ازاى وأولاد اخواتى ما شاء الله كتير الكل بيقعد ويبهدل حتى مرات اخويا واولادها بنات عرائس الكل بيسيب الدنيا زى الزفت ويمشي وانا الى فرض عليا استحمل واعمل ولما كنت ساعات بتكلم امي كانت تتخانق معايا وتعيرني بطلاقي مع انى شايله نفسي وبشتغل وبصرف على نفسي واكلى كانت تقولى هتمنعي ولادى يجولى اكلم اخواتى يقولولى انتى إلى قاعده وبحكم ظروفك فرض عليكى والله حتى مرات اخويا وبناته كانوا بيقعدوا بكذا يوم مينزلوش ولو نزلوا يخدوا إعادتهم كأنهم غرب ويطلعوا وطبعا اخويا مش بيتكلم عاوز راحت ولاده ومراته ويقول انتى إلى قاعده لزمتك ايه مع أنه والله طيب وكويس معايا بس الا الحته دى مش بينطق فيها وبيجي عليا المهم سلمت امرى لله اتعرفت وتقدملى واحد ابن حلال واتعلق بيه بس للاسف كان متجوز وكان فى بينه وبين مراته مشاكل وشبه مش بيتكلموا قولت اوافق وارحم نفسي من إلى انا فيه واتقي الله فيها وماليش دعوه بيها مع العلم انا عندي شقه كنت قدمت عليها والحمد الله جاتلى وكل ما كنت اقول اروح اعيش فيها اخويا وامي ميرضوش ويقولوا لاء مش هتعيشي لوحدك طيب اجيب عيالى ابوهم رفض والعيال قالت مش هتقدرى على مصرفنا وكمان امي كانت كل ما عيالى يجوا تعملهم وحش وتبقي مدايقه وعيال كانوا بيحسوا  قولت شرط اتجوز فى شقتى علشان لو عيالى جم يبقوا برحتهم وبصراحه هو وافق وجهز الشقه وأهله عارفين ومراته عرفت وعملت مشاكل واقومت أهله بعد ما كانوا موفقين وللأسف مكنش ليا نصيب وسبلى العفش وقالى كفايه انى ظلمتك ودلوقتى انا تعبت واتخنق من كل حاجه حوليا من اهلى واخواتى إلى ديما ظلمنى وامي إلى ديما تعيرني وتتخانق معايا خت بعضي وروحت وعيش لوحدي فى شقتى قولت كفايه بقا تعب وظلم اعيش لوحدي احسن من كل ده دلوقتي اخويا زعلان ويقول لو مجتيش تعيش تاني هنا متعرفنيش تاني وامي زعلانه منى وتقول مش عوزه تعيش معايا وانا تعبت ومرتاحه كده وحاسه انى نفسيا مرتاحه وانا بعيده عن كل الناس ومتقيه ربنا فى نفسي والله