عايز اسأل حكم الدين في مراتي خرجت بدون اذن وانا كنت في عمرة
- عايز اسأل حكم الدين في مراتي خرجت بدون اذن وانا كنت في عمرة
- خرجت راحت فين؟
- راحت عند والدها ...واخويا منعها ...قالها متخرجيش علشان اخويا سايبك امانة معايا
- امانة يعني يعني ايه؟؟ يحطها في جيبه يعني؟
- لا .. احنا بيت عيلة
- لا استنى انت مش فاهم حاجة ولا اخوك فاهم حاجة
يعني لما تروح عند ابوها يبقى اخوك ضيع الامانة؟
امانة اخوك يديها الاكل لو جاعت وانت مسبتلهاش مصروف كتير ...انما لا يمنعها ولا له ولاية عليها
ايه خرجت من من غير اذني يعني
فيه اذن مش محتاج يتجدد...انت متجوزها وعارف انها هتروح كل يوم السوق او موظفة ...تستأذنك كل يوم؟!!!
الاستئذان في الحاجات المتجددة... راحت عند ابوها ..لم تأثم
واخوك مش فاهم حاجة... وانت في عمرة لبيك اللهم لبيك وبتخرب الدنيا هنا
مراتك راحت عند ابوها يعنى بتصل رحمها
واخوك معنى سايبك امانة عندي يعني يجيبلها اللي عايزاه ...ولو شاف حد بيأذيها يتعرض له
انما تروح لابوها...يقولها مش خارجة اخويا سايبك امانة عندي..ما يحبسها بقى..مينفعش
