اتصرف ازاي مع بنتي

اقبل يا ادمن بالله عليك السلام عليكم ورحمه الله وبركاته للاسف انا عندي مصېبه في حياتي ومش عارفه اعمل فيها ايه واتصرف ازاي انا عرفت ب الصدفه ان بنتي كانت مرتبطه بشخص بقالها سنه   ادتها علقھ مۏت وخدت التلفون منها كان معاها علي الخط وانا بضربها وكلمني وقالي انه بيحبها بجد وعايز يتقدملها قولتله تعالي كلم باباها الاسبوع الجاي ومكنش في مفيش اي مشكله صالحتها قولت طلاما نيته خير ربنا بيسامح وقولتلها وريني صورته تبوصلي ومتردش عليا وتقولي لما ييجي هتشوفوه الغريبه انها مكنتش فرحانه انه هيتقدملها  بالعكس كانت مړعوبه وخاېفه قولت في الاول يمكن رهبه عروسه عادي ويمكن مرتبكه شويه بس قلقها كل يوم بيزيد لدرجه مكنتش بتاكل ولا بتنام وكأن ميتلها مېت  عدا الأسبوع ولقينا العريس داخل علينا انا وباباها وهو مركب طرف صناعي في رجليه وبيمشي عليها بالعافيه دخل وقعد طلع عامل حاډثه من فتره طويله واتعمله بتر في رجليه باباها بقا يسأله طب انت هتصرف عليها منين وانت في الحاله دي قاله ان اخوه جايبله شغل قابله وبيشتغل لاكن المرتب مش كبير وعنده شقته وهو بيمشي علي الطرف الصناعي ده مش كويس اوي وساعات بيوجعه ومبيقدرش يمشي خالص وبيبقي عايز حد طبعا يخدمه طبعا كلنا بقينا قاعدين مصډومين من الموقف كله ومش مصدقين اللي بيحصل طبعا اترفض وابني قالو احنا هنجوزها ولا هنفتحلها مستشفي تقعد تمرض العيانين عنيه دمعت وقام خد بعضه ومشي من هنا ولقيت بنتي طالعه من اوضتها بتصوط وبتسرخ شوفتها في حاله اول مره اشوفها فيها وبتقولنا ليه عملتو فيا كده انا عمري ما حبيت ولا هحب غيره قولنلها كتير انتي مش عارفه مصلحتك ومش هينفعك بقت تسرخ وتقولنا مصلحتي معاه ولو مۏتوني عمري ما هبقي لراجل تاني غيره ولا هتخلي عنه و هشيله في عنيا وهخدمه وهفضل جنبه بعد مناقشات كتير معاها مفيش فايده باباها اتعصب وقام ضربها لما لقاها مصممه وفتحلها وفتحلها دماغها وقالها مش هتتجوزيه وعلي چثتي والجيران اتلمت علينا مكفهاش كل ده دخلت اتصلت ب حبيب القلب قالها متكلمنيش تاني وابعدي عني انا اتهنت واتعايرت في بيتك وقفل في وشها واحنا خدنا منها الموبايل وحبسنها في البيت انا وأبوها  عدا خمس ايام البت شكلها بقا غريب بتقعد تكلم نفسها بتترمي في الارض وتصوط من غير سبب وتقطع في هدومها واخر حاجه امبارح كانت هترمي نفسها من الشباك وهي مش في وعيها ودناها المستسفي لانها اغم عليها وكانت قاطعه النفس الدكاتره قالو دي صډمه عصبيه شديده ولو منعتوها عن الشخص ده ممكن توصل للجنون وحاليا احنا في حيره مش عارفين نعمل ايه انا وباباها نكلم الشخص ده ونعتذرله ونخلي اخوها يعتذرله ونوافق عليه وهو في الظروف دي ولا نفضل علي موقفنا وبكره تبقي كويسه بس الدكاتره مش مطمننا خالص وبيقولو مش هتخف غير لما تعمل اللي يبسطها نعمل ايه بالله عليكو ؟!