اصدق مين فيهم

لو سمحت ممكن تنزل مشكلتي من غير اسم انا متابعه صفحتكم من فترة واحب اشارك مشكلتي معاكم عشان انا حقيقي محتارة اتصرف ازاي 
انا اتعرفت علي واحد شغال جمبي وهو متجوز هو عرفني انه متجوز من اول يوم اتعرف فيه عليه  بس مخلفش من مراته وفهمني ان مراته مبتخلفش ومحتاج يتجوز واحده يحبها ويخلف منها وانا اتعطفت معاه بعدين مراته كلمتني خدت رقمي من علي تليفونو وكلمتني قالتلي ان هي اكبر منه بكتير هي ٤٥ سنه وهو ٣٠ ومجوزها من ورا اهله يعني اهله ميعرفوش  انه متجوزها عشان هي كبيره ف السن وكده وعرفتني انه كداب وكل حاجه بيقولهالي كدب وانه محلتوش حاجه عشان يتجوز اصلا وعرفتني انه عمل كده مع بنات قبلي وانه كان متجوز قبلها وطلق وانا لما واجهته بكل ده قالي انه فعلا حصل بس قالي انه بيحبني وعايزني في الحلال وكلها كام يوم وهيطلقها ومراته بتقولي اني هبقي جزء من سبب الطلاق انا اتعلقت بيه وهو بيقولي هطلقها وبحبك وهي بتقولي انه مينفعنيش واني هتظلم معاه لو اتجوزني هو بيقول كلام وهي بتقول كلام تاني مش عارفه اصدق مين ف ممكن تفدوني وتقولولي اتصرف ازاي انا من الاول كنت رافضه اني اكلمه وهو متجوز بس هو قالي انه كده كده مش هيكمل معاها فدوني