حقي ازعــل ولا لا؟
هحكي وتقولولي من حقي ازع ل ولا لا
انا منفصله بقالي ٦ سنواتومعايا بنت وولدوابويا مديني اوضه من البيت حاطه فيها حاجتي كلها وبوتوجاز صغير والاطباق والحلل وبنام فيها عيشتنا كلها فيها بندخل الحمام بس ونرجع تاني ع الاوضه.
لما جيت عندهم حكم عليا قالي اعتبري نفسك مأجره الاوضه واكلك وعشتك لوحدها وبدفع ١٠٠ جنيه كهربا ومياه.
_في رمضان ببقي مش لاقيه اكل انا والعيال وساعه الفطار اعمل شاي وناكل جنبه عيش حاف علشان مفيش حاجه نكلهاواشم عندهم روايح اكل ويقعدو ابويا وامي واخويا يأكلو وميقولوش تعالو كلومع العلم بيبقو شايفين اني معنديش فطارولا يعزمو عزومه مركبيه حتي ولا امي ولا خويا.
انا كدا ازعل ولا دا حقهم مع العلم هما طول عمرهم شداد من قبل متجوز وقلت هتجوز واترحم طلعت جوازه سوده ورجعت تاني
يعني عريس جه كبير عني خاااالص وجاب وهو داخل جاتوه وشوكولاته لما مشي دخلو الحاجه عندهم ومدنيش حته فدخلت لأمي قلتلها والنبي اديني حتة جاتوه للعيال قالتلي ابوكي قال مادام موافقتيش ع العريس متخديش حاجهقلتلها داانا لو حتي كنت وافقت كنتو انتو المفروض ترفضو لانو دا جد واكبر منكو شخصيا وازاي اسيب عيالي واروح اخدمه دا راجل عجوز وروحت معيطهقام ابويا سمعني وقالي مسمعش صوتك لأكلك الشبشب واټخانق معايا.
ستي الله يرحمها قبل متموت كانت عايشه معاهم في نفس الاوضه وكانت بتديهم فلوس علشان هي كان ليها معاشوبالرغم اني كان طليقي كانت تقولي استحملي هتيجي هنا لمين يابنتي ابوكي وامك مش مستحملني انا وبديهم فلوس وبرضو مكنوش مستحملين ستي.
ادعولي ربنا يرزقني ويبدلي حالي علشان عيالي انا بحبهم اوي ومش قادره اسبهم وابوهم غير امين عليهم بالمره من غير مااجرح فيه.
