انا بقيت صرده السوق

مليون جنيه وهو مش هيقدر يدفع فيتضر يجرعلي تاني وسبحان الله ياخد فيها براءه من اول جلسه رفعت تبديد قايمه وتمكين من مسكن الزوجيه
ونفقه ليا ونفقه للوالدين راح هو طالب من المحكمه انه يسلم أعيان الجهاز أمام قسم الشرطه وفعلا المحكمه خلاته يفك الجهاز ويجيبه عند القسم لقيته جايب الجهاز كامل مفيش كبايه مكسوره المحامي قالي اقول ان ده مش جهازي وفعلا قولت كده جه الخبير بتاع المحكمه وطابق الجهاز بالقايمه وقالي هو ده جهازك قولتله مش هستلمه وجوزي واقف بعيد مع المحامي بتاعه وانا مواقفه عيالي مع ماما عشان اعاند فيه شوفت الدموع في عنيه وهو بيبص لعياله كنت مفكره هيجي يقولي يلا نروح بيتنا لقيته بيتماسك نفسه وجاب الناس اللي كانو جايبين العفش حملوه تاني وخده حطه في مخزن تحت البيت بعد شهور المحكمه حكمتلي نفقه متعه ونفقه عده ٢٧الف جنيه وب ١٧٠٠ نفقات ومصاريف واتمكنت من الشقه وڠصب عني روحت استلمت العفش وأخذته رصيته تاني وقفلت الشقه وروحت عند اهلي وهو ملتزم بالنفقه كل شهر ومع ذالك لسه حرماه من عياله كل اللي كانو حوليا ماما وبابا واخواتي وقريبي واصحابي كانو بيقولولي اوعي ترجعي غير لما ينفذ طلباتك وترجعي وانت رافعه راسك لفوق سمعت كلمهم وأطلقت تاني ومرجعليش واتمسك بمراته الأولى اكتر وانا حاليا مطلقه من زوجي التاني ومعايا ولدين كل ليله انام وانا معيطه لما بشوف كل واحد من اخواتي واخد مراته وعياله ورايحين شققهم وماما وبابا اللي قالولي هنجيبه زاح بيداخلو ينامو ويضحكو وهما مش حاسين بكسره قلبي وحرماني اخدت منه فلوسه واتصرفت كلها على المحامين والقواضي وعايشه في فكر ليل ونهار بيجلي عرسان تالت بس كلهم عباره عن راجل كبير عايز واحده تخدمه مقابل انه يصرف عليها او واحد مطلق ومعاه عيال وعايز واحده تربيهم او أرمل معاه عيال او واحد نسوانجي وعايز واحده رخيصه
بمعنى أصح بقيت صرده السوق
وطليقي وابو عيالي حاليا عايش هو ومراته احلى عيشه فسح وخروجات ولبس وانا وعيالي أخرنا ١٧٠٠ بخدهم من بنك ناصر الاجتماعي بعد طبور طويل من المطلقات
نصيحه لكل ست معاها راجل محترم اتقي الله فيه واوعى تعملي زيي
ولا تسمعي كلام حد
اوعي تسمعي كلام المحامين
اوعي تسمعي كلام امك وابوكي لو قالولك هنجيبه راكع قدامك
اوعي تسمعي كلام صحباتك
اوعي تطلقي
اوعي تطلقي
العند مع جوزك هيقسي قلبه عليكي
وفلوسه اللي المحكمه بتديهالك مفيهاش بركه
انا ھموت من الحسره ومحدش حاسس بيا نفسي اترمي في حضڼي جوزي اقوله انا اسفه
منقول وحدث بالفعل