حماتي وابويا
والله انا محتارة في مشكلتي لاني اتعرفت على جوزي عن طريق النت وحبينا بعض وكان ونعم الرجال واخلاقه عاليه والله واتجوزنا والحمد لله وهو في محافظه واهلي من محافظه تانيه والصراحه كان في تخوف في البدايه من معرفه الناس عن طريق النت بس والله الحمد لله التوفيق من عند الله وبقى اهلي واهله على وفاق مع بعض وتمام التمام او لغايه كده تمام ،لغايه ما بعد الجواز بسنه جينا نصيف عند اهلي لاننا من محافظات السواحل واهلي فعلا مرحبين بينا وقضينا تلات ايام كانوا ذي العسل وروحنا بيتنا ،وانا بصراحه محستش باي حاجه غريبه او غلط ،لغايه ما روحت بيتي وعشان انا ساكنه في بيت عيله حمايا وحماتي في الدور الاول وانا وجوزي في الدور التالت واخو جوزي في الدور التاني وفي مره نازله بعد ما خلصت شغل البيت وعشان انا حامل والحمد لله فنزله براحه على مهلي ومش مبينه صوت وانا نازله سمعت حمايا بيزعق مع حماتي وبيقول لجوزي احنا مش رايحين تاني عند حماك بعد الموقف اللي حصل بس متقولش لمراتك عشان هي حامل وحتزعل فجوزي بيقوله معلش حمايا ميقصدش اللي عمله فحمايا قالو بس ميصحش انه لما يجي يسلم على امك يبوسها من ايديها و راسها انا بقى مسكتش دخلت عليهم وهم اتفجأوا قولتله معلش يا عمو ابويا شاف ان حماتي ست كبيره عشان كده عمل اللي عمله ،قالي لا طبعا ميصحش وحماتك لاقيتها اضايقت وقالتلي لا انا مش عجوزه للدرجه دي قولتلها طب مزقتهوش ليه يا طنط وبعدتيه عنك سبتيه ليه يبوس ايدك وراسك فجوزي قالي خلاص بقى واطلعي عشان المشكله متكبرش اكتر من كده فأنا مسكتش وقولتلهم اللي عايز يتفضل عندنا اهلا وسهلا واللي مش عايز براحته وطلعت جوزي زعق معايا وحلف عليه ان احنا كمان منروحش عند اهلي بعد ما زعقت مع حمايا وحماتي ،قولولي اعمل ايه واي حد مكاني لو سمع اي كلام مش حلو عن اهله لازم يرد
