كيس لحمه

السلام عليكم ورحمه الله وبركاته
لو سمحت نزل مشكلتي بدون اسم انا متجوزه من ٥ سنين في بيت عيله ومن يوم جوازي وانا في مشاكل معاهم لاني موظفه وبرجع من الشغل تعبانه وهما طبعا عاوزني اخدمهم حمايا وحماتي 
وعندهم بنت صغيره عني المهم انا قبل العيد عملت معاهم مشكلة كبيره علشان تنضيف العيد وجوزي بيجي عليا كتير بسببهم والعيد محستش بيه باي فرحه من المشاكل اللي حصلت بنتهم جابتلي لحمه مليانه عضم وانا من غيظي رميتها في الزباله وهو فاكر انها في التلاجه 
وحظي ان الزبال مجاش فعملت ريحه وحشه في البيت قلبو الزباله لقو الكيس بتاع اللحمه اتصلو بجوزي وجوزي ضړبني وبهدلني وماشني انا وعيالي عند اهلي وقال لبابا بنتك عاوزه تتربى من جديد وبابا شتمني بسببهم وغلطني وانا شرحت له كل حاجه بس هو مغلطني وانا دلوقتي مصممه على الطلاق يا يجبلي شقه بره العيله الزفت ديه وهو بيقول يبقى هطلقك لاني مش هسيب امي وابويا لوحدهم وانا مش عارفه اعمل ايه اتمسك بحقي فشقه بره ولا أطلق عاوزه نصيحه من غير تجريح فيا لو سمحتو