اطلق مراتي ولا اختي
انا اسافر اسبقك وانت تحصلني على هناك
احمد
ياااه وانت فاكر يعني ان الدنيا سهله كده وانه السفر ده بالساهل طب انت واحد الشركة اللي دفعت لك تمن التذاكر والإقامة وكل حاجة انا بقا مين هيعمل لي كده
أسامة
انا قولت ان السفرية بتاعتي دي مبصوص فيها ههههه ياساتر يارب منكم ياساتر
احمد
ههههه مش انت اللي فتحتني حد قال لك تنكشني كنت خليني ساكت احسن ومش تتكلم
عندك حق انا غلطان على العموم ربنا يوفقك ياصاحبي وتلاقي بنت الحلال اللي تسعدك
وبعدها سافر أسامة ورحاب ولما وصلو هناك ورحاب دخلت الشقه قالت
ايه ده يا اسامة بقا هي دي الشقه اللي هما حجزينها لينا انا وانت
أسامة
ايوه يا حبيبتي هي بعينها
رحاب
ياسلام وانت بقا ان شاء الله كنت عارف ان الشقه صغيرة كده وضيقة ده العفش اللي فيها كله قديم اوي
احمدي ربنا يا رحاب اننا لاقيني سكن علطول واننا جينا على سكن وبعدين الشقه النهاردة ضيقه بكرة توسع ولما ربنا يكرمنا نجيب أوسع منها
رحاب
ازاى بس يا اسامة وانا ايه اللي خلاني اسمع كلامك واسيب شقتي وعفشي الجديد الخلو ده واجي هنا في المكان ده
أسامة زعل منها وقال
يعني ايه اللي خلاكي تسمعي كلامي هو انا مش جوزك يارحاب وليا حق عليكي انك تسمعي كلامي ولا ايه وبعدين انا قولت لك ان مستقبلنا هنا واحنا الاتنين اتفقنا هتستحمل الغربة بكل حاجة فيها حصل
رحاب
اه حصل يا اسامة بس مكنتش متوقعه اني لما هبعد واجي معاك هاجي على حاجات كده على العموم بكرة ربنا يكرم وتبقا حاجة كبيرة ان شاء الله
أسامة
رحاب ياحبيبتي انتي عارفه اني مصدقت اتجوزك وانتي تبقى معايا وانا فرحان بده اوي فارجوكي ياروحي بلاش تضيعي فرحتي بيكي وبسفرنا
رحاب
حاضر يا اسامة وانا عشان خاطرك انت هستحمل اي حاجة في الدنيا وبعدين صحيح احنا لازم نتصل بماما وبابا عشان نطمنهم علينا ده زمانهم قلقانين
ايوه صح ياحبيبتي وامي كمان زمانها قلقانة
وفعلا اتصلو با أهلهم وطمنوهم عليهم وعدت الايام وفي يوم أميرة اخته الراجل صاحب البيت اللي هي ساكنة فيه قال لجوزها
اسمع بقا يا استاذ مراد انا صبرت عليكم بما فيه الكفاية واظن كده خلاص بقا انا عايز شقتي ولازم استلمها في أقرب وقت ممكن
مراد
طيب ياعم صلاح انا دلوقتي اروح فين انا ومراتي قول لي يعني انت يرضيك اني اترمي في الشارع انا والجماعه
وتترمي في الشارع ليه بس انت تروح عند الست والدتك او عند حماتك يعني اي حد من قرايبك انت او المدام بتاعتك
مراد
اروح عند والدتي ازاى واختي عايشة معاها لأنها مطلقه وولادها معاها هنقعد احنا فين بقا ويادوبك الدنيا هناك على القد وحماتي ازاى برضو اعيش عندها وانا راجل مايقبلش بكده انت عارف اني عندي عيال اوديهم فين ياحج
والله انت لازم تتصرف في أسرع وقت وانا مش مشكلتي اللي انت بتقوله ده الله يخليك انا راجل وعندي التزامات كتير والشقه دي تكون مسلمها لي خلال اسبوعين بالكتير والا انا هاخدها بالقانون وانت عارف اني اقدر اعمل كده انا محامي ولا انت ناسي
مراد
لا مش ناسي وبعدين خلاص يا عم صلاح اديني بس انت مهله كده وانا هتصرف وربنا يحلها من عنده
ورجع مراد لاميرة البيت وقال لها
بعدين يا أميرة هنعمل ايه الراجل لسه مكلمني تاني دلوقتي وقالي اننا لازم نسيب الشقه في أسرع وقت والا هيرمني انا وانتي والعيال بره في الشارع والراجل ده مش بيهزر ده هددني بشغله وقالي انا محامي واقدر اخد
