اطلق مراتي ولا اختي
انتي عارفه ان نزولك مصر لوحدك وقبل المده بتاعتنا هيبقا فيها غرامة كبيرة عليا انتي عايزانا نصرف ليه بقا
رحاب
نعم ايه الكلام ده يا اسامة انا لازم انزل اولد ابننا في مصر انت عارف انا لو ولدت هنا هياخد الچنسية وانا مش عايزة كده
أسامة
وماله ياحبيبتي لما ياخد الچنسية هنا طيب ده يبقا ابن محظوظة لو حصل كده
لا لا طبعا انا ابني ياخد الچنسية المصري ابني لازم يكون مصري زي انا وانت وبعدين كمان عايزة ماما تبقى جنبي وانا بولد وحياتي عندك يا اسامة لازم تخليني انزل اولد في مصر
أسامة
أمري لله يا رحاب ساعتها يبقا ربنا يحلها ونشوف كده هعرف انزلك قبل الولاده بكام شهر ولا ايه
وعند مراد كان قاعد مع الرقاصه فيفي وقالت له
مراد
خاېفه عليا من ايه يا فيفي وبعدين انتي عارفاني يابت اشرب المحيط ولا يهمني
فيفي
طبعا عارفه ياحبيبي بس بقول كفايه كده ويلا نمشي نروح على بيتنا
مراد
لا لا يافيفي انا راجع البيت عندي عشان مش عايز البومة مراتي تحس بحاجة
فيفي
هو انت لسه پتخاف منها يامراد ااه طبعا پتخاف منها عشان كده مش راضي تتجوزني لحد دلوقتي وعجباك علاقتنا كده من غير جواز
انتي اټجننتي يا فيفي انتي عايزاني انا اتجوزك انتي
فيفي
وانا مالي ياحبيبي ايه مشبهش ولا مشبهش ان شاء الله بقولك ايه يامراد قوم روح لمراتك يلا انت عصبتني
مراد
خلاص خلاص متزعلش مني ياقمر هو انا اقدر على زعلك برضو انا بس بقول انتي عارفه اني ماعنديش شقه واني قاعد عن حماتي في شقة ابنها ولو اتجوزت هانتجوز فين بس
نتجوز فين ايه ياحبيبي في الفيلا بتاعتي طبعا ده انت بس شاور كده وانا اكتبها لك باسمك يامراد لو حبيت
مراد
بجد يافيفي طيب خلاص سبيني افكر في موضوع الجواز المهم دلوقتي انا اروح البيت ونبقي نتكلم بعدين
وفي بيت ام أسامة كان ابنها بيكلمها في التليفون وقال لها
اعملي حسابك ياماما ان رحاب كمان شهرين كده هتنزل مصر عشان تولد
نعممم تنزل فين لا لا يا اسامة خلي مراتك تولد عندك متخليهاش تنزل مصر وبعدين هي ايه اللي يشططها من عندك لهنا عشان تولد لا خليها جنبك
اسامة
ليه يا أمي مش عايزاها تنزل مصر ايه المشكله يعني لما رحاب تنزل مصر انا مش فاهم
الام
اصل اصل ااه اصل بصراحة كده اختك أميرة جات قعدت في شقتك هي وولادها وجوزها
ايييه ايه اللي انتي بتقوليه ده يا ماما واختي وجوزها يقعدو في شقتي ليه
الام
اصل الراجل اللي كانو مأجرين منه الشقه طردهم هما وعيالهم كنت عايز بقا اختك تبات في الشارع وانت شقتك موجوده
أسامة
وانا ذنبي ايه يا أمي بس انها تيجي تقعد في شقتي ماكان راح عند امه اقعد عندها ولا
راح اجر شقه تانية عشان طول عمري اقول لك ان مراد ده نصاب انتي مصدقتنيش
الام
الله جرا يا اسامة انت علطول حاطه في دماغك كده ماخلاص بقا يابني وبعدين كان هيطلق اختك انت عايز اختك تتطلق
أسامة
والله هي اللي كانت هتبقي كسبانة لو أطلقت من مراد ده
الام
لا ياحبيبي متقولش كده اختك عندها عيال برضو هتروح بيهم فين بس
أسامة
المهم دلوقتي اعمل ايه في مراتي اللي عايزة تنزل مصر وتروح شقتنا
الام
لا متخليهاش تيجي الشقه خليها تنزل على بيت امها ماهو انا مش همشي اختك عشان خاطرها بقا ولا انت عايز اختك تطلق عشان خاطر السنيورة بتاعتك دي
أسامة
لا حول ولا قوة الا بالله ماشي يا أمي
