سلالم البيت
#مشكلة عضوة
انا متجوزه بقالي ١١سنه وساكنه مع حمايا وحماتي بس ليا شقتي ف الدور الثالث وسلفي ليه شقته ف الدور التاني بس هو مسافر ومش بيجي خالص او ممكن ف السنه مره وطلبنا منه نبدل الشقق بالفرش واقعد ف الدور الثاني علشان ابقي قريب ع الأرضي .لان انا اليوم كله ببقي قاعده تحت وحياتي كلها تحت لكن كل حاجتي فوق .بس للاسف سلفتي رفضت اننا نبدل
وانا بصراحه رجلي وجعتني جدا وبعاني منها كتير وكل مااكشف يقولولي من السلم وانا عندي اطفال وبحتاج لهم حاجات من الشقه وبطلع كل شويه للدور الثالث
غير كده الشقه بتاعتي دايما فاضيه ومافيهاش حياه ولا روح ولا اي حاجه للمعيشه لأننا مش بنطلعها غير واحنا تعبانين جدااا ورايحين ننام واول مابدخلها نفسيتي بتتعب جداااا واقعد اعيط .ولو فكرنا نجيب اكل يقعد لما يبوظ لأننا اليوم كله تحت
طلبت من جوزي اننا نعزل بس هو رفض خالص
وانا مش قادره اعمل معيشه تحت ومعيشه فوق
قولولي حل لان حقيقي نفسيتي تعبانه
نفسي يبقي ليا حياه مستقره انا وجوزي واولادي .لان انا حاسه ان حياتي متشـ،رده جدا
