حمايا راجل صعب

السلام عليكم ورحمه الله وبركاته
يا مولانا عندي مشكله خاصه من نوعها شويه 
أنا من الاسكندريه وكنت خاطب من القاهره المهم في بداية الخطوبه كان حمايا وحماتي مش موافقين علشان المسافه وكدا المهم بعد مشقه اتخطبنا وانا بحبها جدا وهيا بتحبني جدا المهم اتخطبنا 3 سنين ومعاد الفرح قرب لما بدأنا نتكلم على ميعاد كتب الكتاب وكدا لقيت حمايا بيخترع اي مشكله علشان يبوظ الجواز تلكيكه هو مش لاقي حاجه في شخصيتي تمنع الجواز فقال لازم قبل ما تنقي الخشب كان والدك يكلمني ونختار احنا وانت وخطيبتك مالكوش رأي المهم عدتها معاه واقنعته أن عندنا العرسان هما اللي بيختارو وكدا طبعا بعد مشقه اكتر من 3 شهور لإقناعه وببعت ناس ليه يوميا وكانت حاجه مرار 

المهم جابلي مشكله تانيه وبيقولي احنا محتاجين نتفق من اول وجديد في لزوم المؤخر والشبكه تاني والقائمة فقلتله احنا كنا متفقين قبل كدا وعيب اللي بيحصل ده طبعا كل ده وهو كل يوم نازل اهانه لخطيبتي وعملها عقده نفسيه وغير ضړب واهانه 
فالمهم ابنه الكبير يكلمه يقوله عيب اللي بيحصل والجيران وطوب الأرض مفيش فايده فروحت ليه وقلتله لو ع كدا سهلا اللي انت عايزه حعمله فالمهم ووافقت الكلام ده كان يوم 20 رمضان المهم نزلت من عنده واحنا متفقين وتمام وقاللي هنأجل معياد كتب الكتاب وهو كان عارف ان ده مستحيل بس انا وافقت علشان ميبقاش في اي حجه
نزلت من عنده وكلمت خطيبتي وفرحنا وكدا 
قام الساعه 4 الفجر من نفس الليله وقام منزلها من ع السرير وهيا نايمه ونازل فيها ضړب من هنا لحد ما جابلها كتمات في وشها وعجز رجلها لفتره قليله ضړب مپرح وقام 
قايل أنا مش موافق على الجوازه دي وخليه يجي ياخد حاجته من عند اخوها المهم الناس كلها تكلمه مفيش فايده وخطيبتي دي كانت صاحبة مرات اخوها الكبير فكل شويه يروح عندها ويشتمها ويقولها انتي اللي ماشيه في صفها المهم عمل مشكله كبيره لدرجة أن ابنه جاله حاله نفسيه وكان هيطلق مراته بسببه علشان مش عارف يدافع عن مراته ويقف قدام أبوه المهم 
مرات ابنه دي كلمت امي وهيا بټعيط وامي وقعت من طولها علي زعل مرات ابنه وكان شبه جلطه 
المهم بقا الغلط جه من عندي رنيت عليه وزعقت معاه وقلتله انت بتعمل كدا ليه اي السبب انت مبوظ كام بيت بسبب اللي انت بتعمله ابنك الكبير خربت بيته وكان هيطلق مراته وابنك التاني اول ما اتجوز مستحملش طبعك هو ومراته سابو الدنيا كلها ليكم ومشيو وحتي بنتك بقيت بتستغربك وحتي ابنك الصغير مش عارف يخطب بسبب طبعكم وانا ربنا يكفيك شړي انا هرش ع وشك مية ڼار المهم الغلط وامي لما فاقت رنيت عليه تاني واعتزرت له المهم قام رايح لمرات ابنه تاني وشتمها برضه وابنه جه رما عليها يمين الطلاق علشان يريح أبوه المهم بقا خطيبتي استسلمت للامر الواقع لأنها كانت هتنتحر بسبب أفعال ابوها معاها لاكن طبعا قعدت اواسيها وقام جايبها قدامه وخلالها رنيت ع والدي ڠصب وتقوله أن انا مش هينفع اكمل مع ابنك وكده الموضوع ده من شهر 11 اللي فات لحد النهارده والدنيا كلها خربانه 
اي ممكن اعمله تاني طبعا اسف جدا ع الاطاله 
وارجو أن حضرتك ترد عليا 
اتمني أني الاقي اجابه من حضرتك