ابوها السبب في كل ده

السلام عليكم 
بنتي معاها ماجستير وبتحضر دكتوراه في طب أسنان / رقيقة وپتخاف ربنا
زوجها محامي  أي خلاف بسيط بيعلا صوته جامد  ويقول ألفاظ جارحة لا تليق ومرة لطشها كان دراعها ازرق 
وقت مابيغلط بيتعصب وهي دموعها بتنزل  بدون رد فبيستضعفها وبيصعد الموقف ويزيد فيها 
مرة  عرفت ان قالها كلام  مش شبهنا ولا عمرنا سمعناه ولا نستحقه روحت اعتب عليه بالراحة  هاج وقلب الترابيزة وعلا صوته عليا وبنتي قعدت تبكي وانا نزلت زعلانة ومنعت دخولي بيتها من سنين
و والدها  راح  لهم يتفاهم معاه غلط فيه ومعرفش ياخود حقه ولا حق بنته  قال علشان مايخربش  البيت 

لكن بنتي وهي بتحكي لي بدموع عنيها لما جت عندنا قالت لي بابا خذلني 
المهم هي معاها ولد ٣ سنين وبنت ٧ سنين وعلى الحال ده طول عمرها معاه ومش عايزة تطلق لانه محامي ومش حتقدر على حواراته ومش ممكن تدخل ابو ولادها المحاكم
والدها مازال بيروح لها عادي في المناسبات  ويسلم عليه ويقوله ياحبيبي
انا اللي مش قادرة ابلع اهانة بنتي واهانتي واروح لها كما لو كان مافيش مشكلة
كنت بروح  لحد العمارة واطلب من البواب بتاعهم يطلع لها الاكل اللي نفسها فيه او الحلويات اللي جيبهالها او اي شيئ هي بتحبه
مش عارفة مين صح ومين غلط
انا ولا ابوها