تلفون مرات اخويا

اخويا متجوز وشغال فى الكويت وانا كل يومين كده باخد التليفون بتاع مراته أفتش فيه صور وفديو ووتساب وماسينجر واشوف المكالمات الصادره والوارده ومدة المكالمات .. جت امبارح الخميس مرضيتش تديهونى وقالتلى لا دى خصوصيه ومينفعش ومش عارفه ايه والكلام الحمضان ده .. قلتلها والله اللى ماشى صح مابيخفش من حاجه وانتى عندك 25 سنه صغيره وجوزك مش معاكى والدنيا مش مضمونه هاتى التليفون ده .. رفضت تديهونى وفضلت تزعق وتقولى طب هاتى انتى تليفونك افتش فيه  قلتلها وتفتشى فيه بصفتك ايه ؟؟ انما انا بفتش فى تليفونك بصفتى اخت جوزك وخاېفه عليكى وعليه .. المهم مرضيتش .. رحت اتصلت باخويا قلتله مراتك مخبيه تليفونها ومش عاوزه تخلينى افتش فيه اكيد مراتك خاېفه من حاجه شوفها بقى بتعمل ايه بالتليفون واللى ماشى صح مابيخفش من حاجه .. المهم اخويا مسح بكرمتها الارض وبهدلها وحلف طلاق لو مسابتنيش افتش وادور فى تليفونها هيطلقها . راحت عيطت وسابت شقتها ومشيت قال  يعنى غضبانه .  يعنى اسيبها ڠرقانه فى خيره وتكلم غيره ودى لسه صغيره واللى ماشى صح مش بېخاف من حاجه . المهم ماما قالتلى ليه يابنتى كده عملتى مشكله واخوكى فى غربه وخلتيهم زعلوا مع بعض قلتلها ياماما الدنيا دلوقتى مش مضمونه ولو سبناها على راحتها ممكن تعملنا ڤضيحه وهى زعلانه ليه فيها ايه لما افتش فى التليفون بتاعها خاېفه من ايه ؟هل انا غلطانه