انا كده مليش لازمه
السلام عليكم ورحمة الله وبركاته
انا الزوجة الاولى,عندى ولدين و الحياة تمام بشهادة الجميع انا متدينة و خلوقة منتقبة ست بيت تقليدية,من فترة جوزى قالى انه هيتجوز تانى ليه؟ منغير سبب هو حر,اهل زوجى فى صفة حمايا اصلا متزوج اتنين و بيقولوا ولا عيب ولا حرام و فعلا اتجوز التانية,اصغر منه بسنة و بتشتغل زية و غير محجبة و اتحجبت بعد الجواز,من عيلة مرتاحة ماديا جدا و كانت بتشتغل زية فى الخليج و شرطت عليه قبل الزواج يكتب شقة باسمها,طيب مش من العدل انا كمان يكتبلى شقة و تجيلى برضوا شبكة زيها قالى لا الزمن غير الزمن و كمان هى خاېفة تبقى نزوة و عايزة الشقة ضمان,و اتجوزوا و خلف منها ولد,لكن المشكلة انا فعلا على الرف,بيكلمها على الواتس طول الوقت,بيفتكر عيد ميلادها و جوازها و يسافر يفسحها لو قلت له انا كمان اسافر يقولى احنا مش كنا بنتفسح ديه بتزور اخوها,ليها كل الدلع و لو ڠضبت عليه يتعصب و يقعد فى الصالة ېدخن و يعيط و يجرى يصالحها,من الاخر ليها كل الحب و الدلع و الاحترام و الهدايا اما انا للغسيل الطبيخ و لو فتحت بقى يتقالى احمدى ربنا انه عمرة ما ضړبك مش شايفة جوز اختك بيعامل مراته ازاى؟انتى فى نعمة!!! بس انا حاسة انى مظلومة و مقهورة و مش مبسوطة جوزى حاجة تانية خالص معايا,ده غير وصلة المدح و قد ايه هى مثقفة و متعلمة و بتتكلم لغات! انا مش عارفه اعمل ايه واحل الموضوع ده ازاي
