سلفتي فرساني
من رسائل الصفحة 👇
ياجماعه عايزه رايكم بعد اذنكم اخت زوجي اټوفت من اسبوع وهي سايبه بنت ف تالته اعدادي وحماتي رجلها ۏجعاها جدا ومش بتقدر تعمل شغل البيت وانا ساكنه بعيد عنهم ومعاهم مرات ابن تاني ف البيت بس هي مش مختلطه معاهم ابدا ولا بتعمل اي حاجه
معاهم المهم انا اتفقت مع سلفتي دي اني اجي كل يوم جمعه واطبخ لحماتي وانضفلها البيت بس قولتلها تساعدني ف تنضيف البيت علشان انا مريضه جاتني جلطه ف المخ وماثره علي الجزء الشمالي من جسمي كله وعامله عمليه ف الجيوب الأنفية وممنوعه من التراب وعندي السكر ده غير أن عندي تلت اولاد أصغرهم سنه ونص فهي قالت ماشي
هساعدك المهم هي دلوقتي كل كام يوم تعمل حوار وتروح بيت اهلها حتي يوم التالت من وفات اخت زوجي مشيت راحت بيت اهلها قعدت يومين بحجه انها حامل وتعبانه أنا دلوقتي المفروض رايحه بكره الجمعه علي اتفاقنا فاتصلت بحماتي لقيتها بتقولي سلفتك راحت بيت ابوها علشان امها تعبانه أنا اعمل ايه ده انا لسه كنت ف المستشفي امبارح معلقه محاليل والسكر كان عالي ومقولتش لحماتي اعمل ايه ياجماعه أنا عايزه
اعامل ربنا واعمل اللي عليا علي الرغم أن ف مرضي محدش كان ليرفع سماعه التليفون يسأل عليا حتي بس أنا بتعب من اقل مجهود وسلفتي بتستهبل وكمان أنا سمعت أن حمايا عايز يجيب بنت اخت جوزي تقعد عندي وهي عندها السكر وجاتني قبل كده وتعبت عندي أنا اعمل ايه ف الحالتين دول ف شغل البيت وف بنت اخت جوزي
