هو محمد رمضان بيعتذر للواد ولا بيستهزأ بيه

محمد رمضان على انستجرام :
الجمهور العدل الأصيل الغالي ألف شكر وربنا مايحرمنيش منكم على وقفتكوا معايا ومساندتكوا وقرأت وسمعت قد ايه دافعتوا عني وقد ايه غلطتوا الولد الصغير ولكن الفيديو ده أنا عامله عشان أعترف بخطأي وأعتذر لأهل الولد الصغير إن أنا إيدي اتمدت عليه وأنا عارف إنه عيل صغير 
هو لما غلط في الأول قلعته الكاب وبصيت في وشه لقيته عيل صغير قولتله اسمك ايه يا حبيبي قالي اسمي كذا وسيبته ومشيت ولما رجع غلط تاني لفيت قولتله هات التليفون ومتمالكتش نفسي وضړبته قلم بسيط 
القلم البسيط ده طيرله الكاب من على راسه والنضارة اللي كان لابسها ، ولو هنعتبر الناموسة اللي وقفت على خدي (قلم) فأنا أستاهل من الناموسة دي 5 علشان أنا مديت إيدي على عيل صغير ودي لا رجولة ولا بطولة ولكن أنا متمالكتش نفسي ودي الغلطة اللي أنا طالع اعتذر عنها