انا وامي واخواتي
انا عندي ٢٥ سنه ماما اللي ربتني لان هي اطلقت من بابا وانا عندي ٨ سنين كانت بتشتغل وربتني لوحدها واتجوزت واحد عيله كويسه وابن ناس وعيلته كويسه بابا اتجوز مرتين بعد ماما تاني وحده ټوفيت اتجوز التالته خلف منها بنتين وحده ٦ سنين وحده سبعه انا مليش علاقه بابا خالص انا قاعده مع اهل ماما لحد من ست شهور بابا ټوفي خسر فلوسه في مشروع وتعب وتوفي من شهر كلمتني مرات بابا قالتلي انا هتجوز وجوزي شغله بره مصر وهسافر واخواتك ياانتي يامامتك تاخدهم لان جوزي رافض العيال اخدهم معايا قولتلها انا متجوزه وعندي مسئوليه ومعايا بنت سنتين وماما مستحيل اصلا تاخد حد هو في حد يرمي عياله انتي ازاي كدا انتي مش بتحسي وقفلت السكه في وشها جات من يومين جابت العيال لعمي وقالتله عيال اخوك وانا هتجوز وهسافر وسابتهم وهو عمره مادخلي بيت ولا يرفع يسال عليا وبعدين جالي قالي خدي اخواتك وهسيبك يومين تفكري تعملي ايه حكيت لماما قالت احنا ملناش علاقه بيهم ومش هتخربي ع نفسك علشانهم حكيت لجوزي ع اساس يعرف يتصرف لو حد جابهم هنا عندي وسابهم قالي امهم دي مش اول جوازه ليها وعندها بنت من واحد غير ابوكي عملت كدا وسابت البنت ولا بتسال عليها مع اهل ابوها انتي ياتقنعي مامتك تاخدهم انا مسئول ع مصاريفهم ياتجيبهم معاكي لو تقدري تربيهم مع البنت ونكسب ثواب ولقيته مصمم ع كدا عادي عنده هو مستواه كويس وبيحب يعمل خير كتير انا وافقت ماما رافضه برضو اني اخدهم اصلا اعمل ايه
