مرات ابني

أنا حما لاربع رجاله وظلمت مرات أبني الصغير كتير اوى كنت بجى عليها وبهينها قدام سلايفها ومكنتش بقدر اجى ع واحده تانيه من مرتات عيالي او حتى ابصلهم لانهم كانوا لسانهم طويل وكمان رجالتهم مش هتسكتلي فكنت بجى ع مرات ابنى الصغير دى هى بنت ناس و مؤدبه عمرها ما غلطتت فيا او علة صوتها عليا مع اني كنت بحرجها كتير كانت مرات ابنى الكبير بتغير منها كل اللي في البيت كانوا بيغيروا منها لأنها هى الوحيده اللي كانت متعلمه فيهم جات كملت عندنا سنتين في الجامعه كنت بحكم عليها قبل ماتروح محضراتها تنزل تشوف شغل البيت واحنا في ارياف وانا كنت موظفه ع المعاش هى الوحيده اللي كانت جامعيه فيهم كانت زوجات اولادى بيقوموني عليها عشان مخليهاش تذاكر وتكمل بس هى كانت بتشتغل في البيت وتعمل كل حاجه وبرضوا كانت متفوقه مع ان كانت بنتي من سنها وكانت فاشله في التعليم لدرجة انها دخلت مدارس مهني من كتر ما بتسقط فكنت بغير منها لأن كنت اتمنى بنتي تبقى شاطره زيها كنت بعكنن عليها بشتى الطرق مع ان هى الوحيده اللي كانت بتحترمني كانت بتبوس ع ايدى كل يوم زى ما كانت بتعمل مع ولدتها انا فاكرة في يوم حكمت ع أبني يطردتها بره البيت لأنى افتعلت مشكله معها لقيتها بتقولي ابوس ايدك سبينى اعيش سبينى في بيتى وكانت عايزه تبوس شبشبي وأنا من جبروتي مفيش حاجه من دي اثرت فيا مكنتش بتاكل حاجه غير لما تجبلي منها كنت قدام سلايفها مرضاش أكل الأكل اللي منزلاه ومن وراهم أكله لأن فعلاً نفسها حلو في الأكل هى كانت بتحب ابنى أوى وواخدين بعض ع حب فضلت اكسر فيها واتكلم عليها بأنها مسرفه ومش نضيفه وكلام كتير لحد الناس ما صدقت مع أنها انضف واحده في البيت انضف مني شخصيا لما جات بيتى غيرت فيه كتير نضفته وخليت ولادي الصبيان حبوها أوى وفي كل مناسبه يلجاؤا ليها اخدتت كل حاجه منى عشان كده حسيت بالغيره منها حاولت ادمرها بتنمري لحد ما فقدت الثقه في نفسها وهملة في جوزها وعيالها وبدأ جوزها يزهق منها باهمالها خليتها کرهت جوزها لأن جوزها كان سلبي معاها وكان دايما ينصفنى عليها وأنا كنت بسوق فيها وافتعل اي مشاكل لحد ما طلبت الطلاق واتنازلت عن كل حاجه وقالت خلاص مش عاوزه اعيش معاهم وكانت معها ولدين تؤام واخدنا منها الاولاد وكمان ابنى اتجوز ع عفشها اصل خلانها مضتت ع كل حاجه تنازل من كتر العڈاب اللي عيشناها فيه كانت بتيجي عند البيت عشان تشوف عيالها كنت بتردها انا حاسه. 
بالذنب اوووي وبجد صعبانه عليا جدا
انا سمعت من ناس. انها نجخت في الجامعه واتعينت معيده وبتحضر ماجستير. حاولت كتير اتصل بيها كانت بترفض. المكالمه. بعتلها كذا رساله بتشوفها ومابتردش عليا
اتا فعلا حاسه بالذنب من ناحيتها اوووي ومش عارفه اعمل ايه