قصص_حقيقية_حول_العالم

النهاردة الصبح لما وصلت عند عربيتي اللي كنت راكنها في الجراج بتاع العمارة لاحظت ورقة بيضا صغيرة محطوطة على التابلوه بتاع العربية من جوا. مكنتش فاهم الورقة دي وصلت جوا العربية إزاي خصوصا إني موسوس شوية ناحية عربيتي وبتأكد إني قافلها كويس أوي فتحت العربية وركبت ومسكت الورقة عشان أقراها كويس وعلى رواقة
خد طريق مختلف وإنت رايح الشغل النهاردة.
فضلت باصص للورقة شوية بحاول أفهم إزاي.. الورقة.. دي.. دخلت.. العربية! بعد شوية قررت إن مش مهم ورميتها بضيق على الكرسي اللي جنبي. وبدأت أسوق ناحية الشغل في نفس الطريق اللي بروح منه كل يوم وكل اللي في بالي دا أكيد حد سخيف عامل فيا مقلب سخيف زيه!

بس لما كنت واقف مستني إشارة من الإشارات تفتح مسكت الورقة وبدأت أقراها مرة تانية وكعادتي لما بحب أفكر كويس بدأت أكلم نفسي بصوت عالي إيه بس اللي يخليني آخد طريق مختلف وأنا رايح الشغل النهاردة وأوصل بعد ساعة إلا ربع ومتأخر على شغلي
وبعدين خدت بالي من حاجة مهمة أنا بكلم حتة ورقة! بصيت لنفسي في مراية وضحكت. سبت الورقة من إيدي فوقعت على رجلي.. مقلوبة. وساعتها خدت بالي إن مكتوب عليها حاجة كمان من ورا مسكتها تاني وبدأت أقرا الملحوظة التانية
هيكون فيه ضړب ڼار عند الإشارة الجاية ولو مخدتش طريق تاني هتكون إنت الضحېة.
حسيت بمعدتي بتتقلب بعد ما قريت الملحوظة دي جسمي إترعش لما العربية اللي ورايا زمرت بصوت عالي لأن الإشارة بقت خضرا وأنا كنت سرحان في الورقة ومخدتش بالي ضغطت على دواسة البنزين وإديت إشارة وقررت ألف وآخد طريق تاني وفعلا وصلت الشغل متأخر حوالي تلت ساعة.
مديري السيد بوتش طلب يشوفني في مكتبه بمجرد وصولي الشغل كنت لسه ماسك الورقة في إيدي فحطيتها في جيبي اللي ورا قبل ما أدخل مكتبه بثواني.
أول ما شافني قال إنت جاي متأخر ليه.
قلتله يومي مكانش حلو واضطريت آخد طريق زحمة عشان أوصل هنا.
رد عليا پغضب إنت مبتزهقش طيب من كتر الحجج والأعذار دي طيب.. عشان تبقي عارف هو دا سبب تأخر ترقيتك مش ممكن أوافق على ترقية واحد مهمل زيك واحد زيك مينفعش يتحمل أي مسؤولية.
دافعت عن نفسي وقلتله بس أرقامي أحسن من أرقام أي حد تاني في الشركة كلها محدش هنا بيعمل مبيعات ولا بيحقق تارجت ولا بيجيب فلوس ومكسب للشركة دي أدي.
بتحقق أرقام ونتايج كويسة.. صح بس هل إنت إنسان مسؤول ينفع نعتمد عليه بتأخيرك النهاردة إنت أثبت إنك غير مسؤول ومتنفعش تترقى. عشان كدا هشوف حد تاني يترقي مكانك حد مسؤول وأدا الشغل إتفضل يلا على شغلك مش عايز أسمع ولا كلمة في الموضوع دا تاني.
خرجت من مكتبه متضايق بس مرجعتش مكتبي نزلت قعدت في عربيتي لحد ما أهدى مكنتش عايز حد يشوفني وأنا في الحالة دي. مديت إيدي في جيبي وطلعت الورقة وصړخت بعلو صوتي إنتي ورقة غبية! غبية جدا كمان! وبوتش الغبي دا كمان أكيد مش بيحبني! إزاي يرفض ترقيتي رغم إني جايب أعلى أرقام في الشركة خصوصا إن دي أول مرة أتأخر على الشغل!.
فتحت الورقة وخدت بالي إن مكتوب فيها ملحوظة مختلفة شوية المرة دي ملحوظة أطول بس مكتوبة بنفس الخط
بوتش مش عايز يديك الترقية لأنه بيخون مراته مع واحدة من زمايلك في الشغل وكان بيدور على سبب عشان يتلكك ويسحب منك الترقية وكدا كدا هيعلن عن ترقيتها بكرة الصبح.
قعدت دقيقة تقريبا مش فاهم إيه اللي قريته دا ويبدو إني في وسط الدهشة اللي كنت فيها نسيت تماما إن في إيدي ورقة سحرية بتقولي حاجات غريبة دا غير إن الكتابة اللي عليها بتتغير طول الوقت بس الڠضب كان مسيطر عليا تماما ومكنتش بفكر غير في حاجة واحدة إني أرجع المكتب وأضربه وبعدين إفتكرت حاجة مهمة الصبح لما سألت الورقة سؤال جاوبتني عليه إجابة واضحة صريحة على ضهرها.
خدت نفس عميق وصړخت بكل الڠضب اللي ماليني وإزاي محدش هيعاقب بوتش على اللي هيعمله وإزاي أصلا هترقى لو الوضع فضل كدا.
قلبت الورقة وشفت إجابة سؤالي بتظهر أدامي وبمجرد ما الإجابة كملت بدأت أقراها
بوتش هي مۏت نفس ه كمان أسبوعين بعد ما يم وت عشيقته وهي نايمة وكل دا لأنه هيكتشف إنها نقلت له مرض قاټل ساعتها هيبقى أدامك وظيفتها ووظيفته تختار ما بينهم براحتك عادي.
سكتت تماما وقعدت أقرا الملحوظة أكتر من مرة وجوايا شعور مرعب. مش المفروض أعرف المعلومات دي حسيت إني مش قادر أكمل في الشغل وإني محتاج أرجع البيت حالا حطيت الورقة في جيبي ومشيت.
عديت من الطريق اللي كان المفروض أروح منه الشغل لقيته مقفول ومليان عربيات شرطة وقالولي إن حصل ضړب ڼار الصبح وكذا حد ماټ فيه!
وصلت البيت عملت لنفسي حاجة أشربها ودعيت ربنا أقدر أهدى شوية عشان أعرف أفكر يمكن أفهم حاجة من اللي حصل النهاردة دا. دخلت أوضة مكتبي قعدت أدام اللاب توب بتاعي وبدأت أدور على أي حاجة تخص ورقة سحرية بيظهر عليها كلام بس كل اللي لقيته شوية قصص وروايات.
بس فكرت في طريقة تانية أعرف بيها الإجابة هسأل الورقة نفسها طلعت الورقة وسألتها يا ترى مين اللي ساب الورقة دي في عربيتي الصبح.
الملحوظة الجديدة بدأت تتكتب على ضهر الورقة
اسمها اللي بتحب الناس تناديها بيه هو الحقيقة.
سألت الورقة الحقيقة دي.. بني آدم.
لفيتها وشفت الإجابة الجديدة 
الحقيقة.. مش بني آدم.
سألتها ممكن أعرف شكلها إيه.
بدأت أقرا الإجابة
للحقيقة ست رجلين وأربع إيدين. صحيح ملهاش عينين بس ليها تمن ودان وخمستاشر فم في كل أنحاء جسمها وسنانها حادة وخطېرة.
ريقي نشف وأنا بقرأ الوصف اللي مكتوب أدامي جسمي كله قشعر وكل اللي قدرت أعمله هو إني أسأل السؤالين اللي جم في بالي وقتها الحقيقة.. عايزة مني إيه وليه إدتني الورقة دي.
الإجابة اللي إتكتبت أدامي.. كانت أكتر حاجة مرعبة حصلت لي
تحب تسألها بنفسك هي واقفة وراك دلوقتي!.
الورقة وقعت من إيدي جسمي كله كان بيترعش وقعدت مكاني زي المشلۏل مش قادر أتحرك من أدام اللاب توب بتاعي مش عايز.. مش عايز أشوف الحقيقة القبيحة دي ورايا!
بعد شوية.. سمعت صوت حد بيفتح باب البيت!
وسمعت صوت خطيبتي بتنادي حبيبي إنت فين محتاجة أتكلم معاك ضروري!.
بعد لحظات سمعتها بتتحرك في المطبخ أنا نسيت.. نسيت إن معاها نسخة من مفتاح البيت!
ناديت عليها بصوت مليان خوف إوعي تدخلي البيت! أرجوكي.. لازم تمشي من هنا حالا!.
سمعت صوت خطواتها بتقرب مني كانت جاية.. جاية ناحية أوضة المكتب دي!
قالت پغضب من على باب الأوضة مالك فيك إيه إنت قاعد عندك بتعمل....
سكتت تماما ومسمعتش أي صوت بعد كدا!
الكلام دا حصل من تلت ساعات من ساعتها لا سمعت صوتها ولا سمعتها بتتحرك ولسه خاېف.. خاېف أبص ورايا قللت إضاءة شاشة اللاب توب عشان مشوفش انعكاس أي حاجة واقفة ورايا على شاشته معرفش خطيبتي راحت فين ولا جرى لها إيه
هلف وأواجه الحقيقة البشعة وزي ما يحصل.. يحصل أنا مش قادر أهرب أكتر من كدا خلاص.. لازم أواجه الحقيقة مهما كانت هحط البوست وألف عشان أشوفها.. ولو حصلي حاجة.. أديكم عارفين السبب!
بتاع_الرعب
حدث_بالفعل
قصص_حقيقية_حول_العالم