ثمن الغربة
السلام عليكم ورحمة الله وبركاته
حصل مشكله بيني وبين زوجتي و محتاج رايكم فيها
انا زوجتي متغربه بتشتغل في دوله خليجيه من اكتر من ٥ سنين وانا هنا ومعايا الولدين في الدراسه هنا في مصر انا لما جالها العقد شجعتها وقتها ولما راحت جابتلي شغل وسافرت لها قعدت معاها فترة سنتين ونص وكنا سايبين الولدين هنا في مصر هي طبعا مرتبها وډخلها كان اكبر مني بكتير وهي اللي كانت بتصرف على البيت والامور كانت ماشيه المهم بعد سنتين ونص قولتها مش قادر استحمل ومش حابب استمر في الغربه و كمان زهقان من تعامل المغتربين و هما منتشرين في كل مكان ف مش حابب اكمل وهنزل اقعد مع الولدين في مصر وانتي كملي عشان دي فرصه مش هنلاقيها بعدين حصل خلافات بيننا بسبب الموضوع ده
المهم اخويا كان خاطب من فترة وعاوز يتجوز ومش عارف يشتري شقه فساعدته بملبغ يعتبر كبير من حسابها وقولته لما تتجوز وربنا يكرمك ابقى سدده ليا وقولت هي ان شاء الله تعوضه بسرعه عادي هي ډخلها هناك حلو اوي
مش عارف اتجاوز الموضوع ده ازاي مش عارف اعمل ايه
وارد عليها واكلمها تاني ازاي بعد كده انا اتحرجت من اخويا وانه خاطب بقاله اكتر من سنه مش عارف يجيب شقه والرجل هيردهم لما يتجوز وظروفه تتحسن واحنا مش محتاجينهم دلوقتي في حاجه هل يا جماعه انا غلطان لدرجه
انها تقفل في وشي السكه ؟ للدرجه محدش في قلبه رحمه بالناس
