يا داهية د قي

سلام عليكم انا متجوز من ١٢ سنه عندي بنت وولد الحمد لله زوجتي ست كويسه مقدرش انكر او اقول عليها حاجه وحشه وكمان بتشتغل وشايله معايا مصاريف البيت والاولاد غير مسؤوليات البيت انا عمري ما اقدر انكر كل ده بس للأسف حبيت واحده معايا في الشغل ڠصب عني والحب ده مش بأيدينا ولا نقدر نتحكم فيه خاصه الرجل يقدر يحب ٤ ويتحوزهم في نفس الوقت وده كلام ربنا مش كلامي المهم زميلتي في الشغل ارمله من سنه ومعاها هي كمان ولد وبنت 
وقاعده في شقة تمليك باسم ولادها وهي الوصيه عليهم وحبينا بعض واروحنا حرفيا بقت متعلقه ببعض لدرجه ان مراتي عرفت علاقتنا بسبب كلامي الكتير معاها وانا في البيت لانها مش بتقدر تستغنى عني نص ساعه على بعض  ولا انا كمان بصراحه وانا بطبعي راجل صريح وحكيت لمراتي كل حاجه وقولتها اني هتجوزها عشان اربي معاها الايتام ولادها واخد ثوابهم وبعد نقاش ومشاكل كتير لما لاقتني مصمم وافقت روحت عشان اتقدم واخد خطوة الجواز لقيت زميلتي بتقولي خدلي شقه تمليك او حتى ايجار نعيش فيها لان ديه شقة اولادي قولتها بصراحه انا التزماتي كتير وانا كنت عامل حسابي وبناء على  الحب الكبير اللي بينا اننا نتجوز في شقتك وانا اتكفل بكل مصاريف البيت مش موافقه ومش قادر اقنعها وانا بحبها وهي كمان وحاولت اخلي مراتي تقنعها بالجواز في شقتها بس رفضت انها تكلمها وراحت اشتكتني لاهلي واهلها والدنيا بينا دلوقتي مش حلوه زي الأول خالص بس انا هظبط الامور بعد الجواز  ان شاء الله 

دلوقتي اصبح مفيش حل غير اني ابيع الشقه اللي متجوز فيها واخد شقتين ايجار للاولى والتانيه وباقي فلوس الشقه اعمل بيهم شهادات بعائد ١٨ % وادفع من العائد جزء من ايجار الشقق ديه فايه رايكم في الحل ده لانه احتمال يسبب مشاكل كبيره بيني وبين مراتي ولسه مش عارف هترفض ولا هتوافق على موضوع بيع الشقه بس انا معنديش حل تاني غير ده ولو ملقتش حلول تانيه هنفذه برضاها او ڠصب عنها 
او لو عندكم حلول تانيه ياريت تنصحوني بيها مستني رايكم