مشكلة بدون اسم
بدون اسم من فضلك
انا متجوزه من ٨ شهور ولسه مفيش حمل وحصل مشاكل بيني وبين جوزي بسبب الموضوع ده لانه رافض نروح نكشف ونعمل تحاليل ونشوف المشكله فين ونتابع مع الدكاتره انا من رابع شهر جواز وانا بقوله نكشف ونشوف لو فيه مشكله نشوفها ايه ونعالجها انا عندي ٢٧ وهو ٣٠ سنه قولتله عشان لو فيه مشكله نلحق نعالجها عشان العمر بيجري وهو بيقولي مش قبل سنه انا طالع من مصاريف جواز ولسه مش جاهز لمصاريف الدكاتره والحمل طالما محملتيش طبيعي يبقى استني شوية ورافض تماما اخر ما زهقت اشتكيت لبابا وجبته يقعد معاه اټهجم على بابا في الكلام وقاله انت بتتدخل فى الحاجات دى ليه دى حاجة بينى وبينها راح بابا قالي قومي البسي وهتمشي معايا دلوقتي وانا سمعت كلام بابا وجوزي دخل ورايا قالي لو نزلتي مش هروح اجيبك وفعلا بقالي ١٥ يوم رافض وبيقول للناس مش عاوزها وازاي ابوها ياخدها من بيتي وانا قاعد محترمنيش وبيتشرط عليا ويقولي لو مش هتروحو تكشفوا بنتي مش هتقعد معاك
وده اللي مخلي بابا مش مامنله خالص .عايزه اعرف رايكم ايه
