لو جي في رجوووع
السلام عليكم ورحمة الله
انا مطلقه من اربع سنين اتفقنا ودي من وقت الطلاق بدون محاكم على خمس الاف نفقه ليا ولاولادي هما تلاتة ولدين وبنت وانا نبقى اربعة كلنا وطبعا مع شقلبة الحال والغلا والولاد بتكبر كنت بطلب منه يزود شوية النفقه شوية كل سنه لحد ما وصلنا من شهر اربعة اللي فات ل خمسة عشر الف ولما بتيجي المدارس بيجب طلباتهم للمدرسه واللبس وغيره حتى هو بيجبلهم كل حاجه من الادوات المدرسية الاقلام والكراسات والاساتيك تكفيهم طول السنه بس اغلب صحباتي بيقولولي ان المبلغ ده قليل جدا عليكم انتو الاربعه خاصه ان تعليمهم خاص مش حكومي وبيحتاجوا وجبات معينه واهتمام زيادة مني وده طبعا بيزود المصاريف بالرغم انهم بيكفونا ومش بنحتاج لحد وهو دايما يسأل الاولاد لما بيرحوا له ناقصكم حاجه او مامتكم محتاجه حاجه والولاد بيقولو شكرا لانه انا متاكده انه لسه بيحبني وسبب الطلاق خيانته ليا ورفعت عليه قضيه طلاق وكان ھيموت ويخليني على ذمته ويقولي عشان الولاد خليكي على ذمتي ومش هتشوفيني لو مش عاوزاني بس انا وماما رفضنا وصممت على الطلاق وطلقني
وبعد طلاقي اتجوزها وخلف منها تنين وبعتلي اكتر من مره عاوز يرجعلي بس انا لما حد بيكلمني من طرفه بقول يطلقها الأول قبل اي كلام وبعدين نتكلم في رجوع غير كده مفيش رجوع انا دلوقتي طلبت منه قبل الدراسه ما بتدء يزود النفقه لى عشرين الف بدايه من شهر تسعة وهو قالي هشوف ظروفي بس ممكن يخليهم اقل شوية عشان بيته التاني هل كده انا فعلا يبقى قليل بالنسبه للعيشه وتلت اولاد وانا معاهم ولا هيبقوا معقولين وبالنسبه لموضوع رجوعه اعمل ايه معاه عشان خاطر الاولاد مش عشان حاجه تاني تنصحوني بايه واعمل ايه
