خطيبىً استغلالى
أنا عندى ٣٧سنة
اتخطبت خطيبىً استغلالى اوى معايا مثلا لم بيكون معهوش رصيد يقولى اصل انا فى الشغل اشحني عقبال ما اخلص وانا لم اشوفك اديكى الفلوس انا كنت بصدق بس عمرة ما ادانى الفلوس شحنت لي اكتر 5مرات بعدين بقيت اقولة انا مش هشحن تانى معيش فلوس يتعصب عليا ممكن يقعد بالايام مابتكلمنيش
مرتين خرجنا مرة دفعت البنزين عشان الفلوس ف الفيزا معهوش فلوس فى جيبة
مرة تانية اتغدينا برة وقالى معايا تليفون وقام اختفى ساعة وانا اللى دفعت
وقمت استنيتة برة المطعم واتصلت بية كان عادى بالنسبالة قالى يلا نمشى حتى مسالش عملتى اي ف فلوس المطعم
غير انه لسانه طويل ساعات بس هو بيقول انه لما بيتعصب مبيعرفش بيقول اية
انا تعبت اوى معاه بيكلمنى كل يوم بس عشر دقايق بس
وعنيد جدا جدا جدا جدا
انا عارفة انى سنى كبير بس انا نفسى احس زى البنات بخطوبتى... وفرحانة
انا مش فرحانة وفى نفس الوقت خاېفة اسيبه ميجليش حد تانى
عشان سنى
وكلام الناس كلهم بيقولو معلش كل الشباب كدا اجوزى وهاتى عيل وبعدين اطلقى او ممكن يتعدل حالة
وامى نفسها تفرح بيا زى اى ام وانا كمان نفسى افرح بنفسى
مش عارفة اعمل اية
ماليش حد اتكلم معاة اخواتى متجوزين كل واحدة فى بيتها لم بتكلم معاهم بيقعدو يزعقو يقولولى
انتى عاوزة واحد تفصيل
حتى اخواتى الولاد منهم اخ كان بيعايرنى انى مجوزتش
كلامة ليا صعب اوى
معلش طولت عليكم بس تنصحوني بأية
مع العلم خطيبىً عندة 43سنة
انا مهندسة
وهو محاسب
وانا ٣٧ سنه
