فلوس ابويا
مشكله عضوه
عندي مشكلة احب اعرف رأيكو فيها .. انا كنت عند ماما و بابا و عمي ادو لبنتي فلوس فبعد ما نزلنا جوزي لاقيته بيقولي هاتي الفلوس فانا قولتله ليه دا بابا مدهاني قالي لا مدينها لبنتك مش ليكي فا قولتله لبنتي يبقي ليا و دول اهلي عموما خد جزء و هات جزء قالي لا انا كدا كدا هاخدهم
المهم اني دفعت منهم فلوس للتاكسي و اتبقي معايا مبلغ بسيط جدا لاقيته بيقولي بردو خدتي فلوس
و حصلت مشكلة كبيره جدا و قعد يقولي انتي مش عارفه انا صرفت اد ايه و بديهي كدا و طبيعي تديني الفلوس و لو تقدري تزوديهم زوديهم و قعد يقولي انا هغير طريقتي معاكي و هتشوفي طريقه تانيه خالص وهو حاليا قاعد فى اوضه وأنا في اوضه و مفيش كلام خالص وانا في بلد كدا لوحدي
فانا قررت اني اروح لماما و اسيب البيت و هطلب الانفصال كمان
هل هو عنده حق و كان المفروض اخدهم واديهملو خصوصا انه عارف اني مش معايا و حتي مش بشتغل
