اعمل ايه مع امي
السلام عليكم
انا مهندس متجوز فالقاهره من 8 سنين
احنا اخين واخت واحده
اي حد من اهلي كان يجيلنا يوم او يبات ليله ويمشي وعلي فترات متباعده
من سنه توفــي اخويا فحـ,,ـادث هو ومراته وولاده وبعده بشهر من الزعـ,,ـل والدي نزلت عليه جلـ,,ـطه وتوفـ,,ـي
ووالدتي الله يعينها علي اللي هي فيه
رحت جبتها تقعد معايا اسبوع أقسم بالله بتصحي تصلي الفجر وتدخل المطبخ تنضف وتروق وتعملنا الفطار. وعيالي بيحبوها جدا
مراتي قالت انت قولتلي هتقعد اسبوع وهي بقالها عشرايام دلوقتي
اصلا لافي مشـكله حصلت ولااي حاجه .برضو اشتريت خاطرها وقولتلها حاضر بس افضي كام يوم كده واخدها بالعربيه اسفرها
قولتلها طيب بصي ده بيت ابنها ومش همشيها ولو عاوزه تمشي امشي انتي
راحت واخده عيالها ومشيت
امي عرفت قالتلي انا مش جايه اخرب عليك انا هرجع بيتي رحت مسفرها الصعيد
ورحت لحمايا اجيب مراتي
لقيته شايــط انت تفضل امك عن بنتي دي بنتي قولتله ودي امي وموقف وحصل وخلاص
قالي لا بيت بنتي محدش يدخله تاني
قولتله نعم؟بيت مين ده بيتي انا وبيت اهلي وامي مافضلهاش غيري ولو جات هـ,,ـبوس رجلها صبح وليل وهشـيلها فوق راسي
قالي تشـ,,ـيلها بعيد عن بيت بنتي
قولتله بنتك مالهاش بيوت ودي مش اخلاق ناس اصله
هو منادي علي مراتي هتروحي معايا ولالا قالت انا وبابا اتفقنا ارجع بشروطي امك ماتجيش عندنا تاني دي اكلت البنت فول وانت عارف ان البنت عندها انيميا البقوليات وبتكلم العيال يلهجه صعيدي
قولتلها امي بلهجتها جز=متها بيكي وبابوكي ورميـ,,ـت عليها يمين الطلا=ق ومشيت
كده انا غلـطان ؟
