انا مش فرفور ولابتعالي علي الناس
مبدئياً محدش يقول اني فرفور ولابتعالي علي الناس
انا اصولي صعيديه يعني من الارياف بس متربي صح.
انا عمري 40سنه عشت معظم عمري فامريكا متجوز امريكيه من اصول لاتينيه بصراحه كانت وش الخير عليا واسلمت اسلام صحيح.عندي بنت واحده عمرها 15سنه ومراتي جالها كانسىىر وتعالجت وماخلفتش تاني
انا ولد واحد علي اربع اخوات بنات.
من حوالي خمس سنين ټوفي والدي وتاثرت بيه جدا وقلت هنزل مصر استقر جنب والدتي وبالفعل نزلت اشتريت فيلا فمكان كويس وعندي شغل فامريكا بيجيلي منه مبلغ كويس كل شهر وتمام.
بعد مانزلت مصر لقيت والدتي واخواتي حرام عليك تقعد بدون ذريه كلنا بنات وانت مخلف بنت وكبرو الموضوع فدماغي
هنا المشكله
شفت بنت كانت شغاله محاسبه فشركه بتاعه حد اعرفه هي خريجه كليه تجاره وعمرها 34 اهلها ناس علي قد حالهم هي الوحيدة فعيلتهم اللي خريجه جامعه
وصحبي اللي شغاله معاه ده شكرلي فيها
واتقدمتلها واهلها طارو من الفرح وتجوزنا
اول شهر حملت وربنا رزقنا بتؤم ولدين
في تفاصيل كتير للاسف عرفتها بعد الجواز ان والدها ټوفي فالسىىىجن وان اخوها محپوس مخىىدرات
وان ابن اختها مسجىىىل خطىىىر
وده عيبي اني ماسالتش عنها كويس وصدقت كلامها
اهلها يجو البيت يباتو وعاوزين فلوس سلف واي حاجه يشوفوها فالبيت عاوزينها
مراتي قالتلي خلاص انا هقعد انا وبنتي فالطابق اللي فوق وخليلها البيت تحت بالجنينه وبالفعل اختصرتهم
بقت مبرطعه فالبيت هي واهلها
ابن اختها جه البيت سرق منها طقم دهب واتهمو فيه بنتي وامها والحمدلله الكميرات اثبتت انه هو اللي واخده
ماعجبنيش الوضع عملت معاهم مشاكل وقولت محدش يجي بيتي
طماعه ومهمله وبتتكلم زي العربىىىىجيه ومفيش حاجه عجباها
عدي الموضوع فتره ورجعو زي ماكانو كل يوم سبعه تمنيه من اهلها ساكنين معانا فالبيت عملوه مىىىزبله لما سكان الكمبوند اشتكوا من الهىىىبل والعبط بتاعهم واتاريهم بيشربو مىىىىىىخدرات والامن شافهم
وفي تفاصيل كتير مش عاوز اقولها عشان ماطولش البوست
حسيت ان بنتي ومراتي بقو اغراب فالبيت
برضه عملت خڼاقه تانيه وطىىىردتهم من البيت
قعدت ټعيط دول اهلي وانت عارف انهم ناس طبعهم كده من قبل ماتتجوزني ولما انت مش هتتحملهم ماتجوزتش من مستواك ليه وخدتني انا ليه.
اخر اليوم تعبت وديتها الدكتور قال حامل
تاني يوم اهلها كلهم اللي طرتهم امبارح جابو معاهم عشره خمستاشر نفر كمان وجم يباركولها.
خالها بيقولي بص يارياسه بنت اختي بالسلا ع النبي جابتلك ولدين واهي حامل تاني ولازم تامنها هي وعيالها
رحت شايط فيه وقولتلهم جيتو باركتو يلا بقي مع الف سلامه
قالت لامش هيمشو قولتلها انتي معاهم كمان اتكلي
وبالفعل مشيت معاهم
سبتها اسبوعين تلاته ورحت اجيبها لقيتها جايبالي بلطىىىجيه
ضىىىىىربت عليهم رصاص وصبت اتنين واحد فكتفه وواحد فرجله
ورحنا القسم وتعملتلي قضيه ودخلت السفاره الامريكيه فالحوار ولسه القضيه شغاله
وتفاجئت انها رفعت قضيه فالمحكمه عاوزه تتطىىلق
انا حاسس اني ظلمت نفسي وظلمت بنتي ومراتي
دلوقتي لابيا عيالي ولابيا المشاكل اللي انا مابحبش احط نفسي فيها اصلا
فمش عارف اعمل ايه
واسف علي الاطاله
