انا مش طيقااااك ولا انت طايقني

جوزي قالي انه عاوز يتجوز عليا بحجة اني باردة والجو ده .. مع العلم المشكلة من عنده مش حابة اقول تفاصيل بس هو اللي اناني ومش بيفكر غير ف نفسه بس و لو هو مش مرتاح معايا قيراط انا مش مرتاحة 24 بس عمري ماجه ف بالي لحظة ان دي مشكلة تستاهل ان البيت يتخرب بسببها .. بس طالما هو قال جواز انا كمان اطلق واتجوز واحد غيره قولتله عاوز تتجوز براحتك وانا كمان عاوزة اطلق وطلاقي مش عشان انت هتتجوز ع فكرة انا عاوزة اطلق لنفس السبب اللي انت عاوز تتجوز عشانه.. اتعصب وبقا يقول انتي بتردهالي يعني وانا ارجل من ابوكي وهري كتير انا اتعاملت ببرود وعملت نفسي مسمعتش حاجة ودخلت الأوضة وسبته يهري  مع نفسه.. اټصدمت بعدين انه حاكي لامه. حاجة قفلتني منه اكتر وامه قالتله اتجوز براحتك وسبها كده معلقة.. انا رحت بيت اهلي من سكات وطالبة الطلاق وهو رافض يطلقني وبابا مش عاوزني اتجه للمحاكم قالي حلي مشاكلك معاه من غير محاكم ومرمطة اما تطلقي بهدوء او ترجعي زي مانتي عاوزة بس متدخليش المحاكم ف الموضوع.. وهو رافض يطلق عشان يلبي رغبة الست الوالدة ويسبني معلقة ! ده غير انه دخل فعليا ف حوار الجواز .. انا عاوزاه يطلقني واخلص من الحوار ده من غير محاكم عشان بابا