لعب اطفال

السلام عليكم ورحمه الله وبركاته انا قصتي طويله اوي بس هحاول اختصرها انا متزوجه من 15 سنه ولسه ربنا مكرمنيش بالخلفه وانا واحده زي باقي الناس بحلم اني اخلف وبتمني من ربنا اني اسمع كلمه ماما بس دي حاجه مش باايدي وانا مهما اقول انا قلبي مكسور ومقهور اوي 
مشكلتي ليا سلفتي دخلت خلفت علي طول ومعاها بنتين وعيالها بيحبوني اوي وليل نهار عندي ويعلم ربي انا بحبهم وبعاملهم ازاي من لبس واكل وكل حاجه ايوه انا مش ام لكن قلبي طيب وبحب الاطفال من كام يوم ماشيه والبنت عايزه تيجي معايا المهم جات واشترتلها حلويات وعصير ومسكت في لعبه ومصممه انها تاخدها بصراحه انا انكسفت من الراجل وجبتها بج عادي مش مشكله البنت فرحانه ومبسوطه بيها جات بيها البيت وعيني ماتشوف اللي النور والزعيق اشتغل وهي تجيب لعيالي ليه تروح تدور علي نفسها وتجيب عيال وانا من كتر القهر معرفتش ارد وحماتي جبتلي اللعبه وقالتلي رجعيها قولتلها انا اللي استاهل بس انا بعامل ربنا مش ابنك ومراته صعبت عليا نفسي اوي ومحدش حتي طيب خاطري بكلمه ولا قالي متزعليش ولا حتي حد منهم عاقبهم انا حلفت اني مليش دعوه بالعيال خالص ومش بكلمهم لكن العيال هما اللي بيجو عندي وانا مش عارفه اعمل ايه 
ابعدهم عني ازاي وهل انا غلطانه اني بعامل ربنا فيهم 
انا ذنبي ايه اني ربنا مكرمنيش بالخلفه جوايا ناررر محدش حاسس بيها