مصيف العيلة

مشكلة عضوه
السلام عليكم يا بنات عاوزه اخد رأيكم في حاجه مهمه طلعنا انا وصاحبتي وبناتها الاتنين مصيف كام يوم كده هي عندها بنت متجوزه وحامل وجوزها مسافر قاعده معاها وبنت تانيه بتشتغل ومخطوبه المهم اتفقنا اننا هنقسم المصاريف علي اربعه تمام واتفقنا الأكل من بيتنا لانهم تلت ايام كل واحد فينا جاب حاجات من بيته نعملها والشاليه والمواصلات قسمناهم علي اربعه بل بالعكس كمان جوزي عشان يبقي مطمن اكتر خلاني اتفقنا مع حد معاه عربيه وقال فرق المبلغ هدفعه انا كان 600 جنيه دفعهم جوزي والباقي اتقسم زي ما قولتلكم علي اربعه والاكل والشرب اخذناها من بيوتنا التسالي والفاكهه قسمناها بالنص انا وهي وحاجات للسوبر ماركت حتي انقسمت علي اربعه لأنهم ما شاء الله اصلا اكيله اوي وانا باكل اكل أقل منهم دا لاني عامله تكميم ومش باكل كتير ما علينا المهم سافرنا وقاعدنا كام يوم وانبسطنا جدا وخلاص اتفاجأت امبارح بتقولي  انها كلمت واحده قريبتها بتطمن عليها وقالتلها احنا هنطلع المصيف تعالوا معانا عليهم هما يعني ردت قالتلها خلاص نقسم المبلغ والتكاليف علينا زي ما عملت مع صحبتي فلانه اللي هو انا ردت قريبتها قالتلها لا مفروض يتقسم علي اتنين عشان انتوا عيلتين هي قالتلي كده كذا كذا مش زي ما عملنا وقسمنا علي اربعه زي ما عملنا ف رديت انا عليها قولتلها اولا انا فرد واحد انما انتوا عيله ف انا متضايقه اوي منها يا بنات اكلمها تاني وافهمها ولا اسكت بس متضايقه انها ممكن تكون حاطه في دماغها اني ظلمتها وأنها مفروض كانت تدفع اقل انتوا رأيكم ايه
ملحوظه انا جوزي مسافر وانا معنديش اطفال ولوحدي بطولي