حماتي قمبلة ذرية

بأختصار كده انا اتجوزت واحد باباه مټوفي وقررت من وانا عروسه اقفل شقتي واروح اقعد عند حماتي عشان متبقاش لوحدها بس ساعات كنت بروح شقتي مرتين او تلاته فالشهر اقعد كل مره يومين بالعدد وكانت بتبهدلني وتغلط فيا عشان فكرت اروح يومين وكنت بخدمها وكانت ورحمة امي بتعاملني اسوء معامله وتتبلي عليا لاخواتها مره جبت اهلي فضلت تتبلي عليا قدامهم وتقولهم اني حتي مش بشيل كوبايه رغم انها كانت وقتها عامله عمليه ف عينها وكنت بخدمها والله وربنا يرد ليا كل اللي عملته معاها وقتها وبقت تحلف تعدم نظرها انها بتعاملي زي بنتها 

وقتها كان صعبان عليا نفسي جدا انها نكرت كل حاجه عملتها دا انا متهنتش يومين ف بيتي ولا حسيت اني عروسه من وراها 
كنت حامل وقتها وسقطت من كتر الحزن والقهر 
بس بعدها رجعت اتعامل عادي تاني رغم ان اهلي حكموا ان مروحش غير زيارات واهلها قالو مش عايزين طلاق وابنها اولي بيها يشوف طلبات امه ايه وانتي خليكي ف بيتك هما عشان عارفين هي وحشه ازاي 
بس برغم كده روحت وقعدت معاها تاني مكنتش برضا اسيبها والله لحد م ربنا كرمني بحمل تاني
و ظروف جوزي مكنتش افضل حاجه 
ف جالي شغل قولت اشتغل لقيتها طلعت بيا وشتمتني واهانتي جامد كل دا عشان افضل اخدمها
والاهانه دي قدام بنت اختها و ابنها فضل دمي محروق لحد م حصلي ڼزيف 
وراحت اتبلت عليا بكلام انا مقولتهوش ونكرت كل اللي عملته فيا وكانت متوقعه بنت اختها هتقف ف صفها لكن قالت كلمة الحق وقالت ان كلامي هو اللي صح شټمتها وقتها وكدبتها