خديني معاكي يا ام سيد
واحدة كاتبة بتقول...
خير اللهم اجعله خير رحت النهاردة أسدد الفيزا و الأقساط الي عليا وواقفه بخلص الديون المتلتلة فوق دماغ الواحد لقيت ست بسيطة كدة و لابسه ملابس رثة جت جنبي و قالتلي ممكن تساعدينى يابنتى مش عارفه اشغل الكارت
طبعا قلت ديه ياعينى جاية تقبض معاش و لا تكافل و كرامة و يابت سيبي الي في إيدك و روحى ساعديها هى أولى قعدتها ع كرسي الأمن و فعلتلها الكارت و شغلتهولها و قلتلها كدة تمام يا أمى تؤمرى بحاجة تاني
قالتلي اه ونبي شوفيلي الحساب فيه كام و قوليلي دخلت عملتلها كشف حساب مختصر و من غير ما ابص فيه ادتهولها و قلتلها اتفضلي الورقة ديه مكتوب فيها الرقم قالتلي بصي انتى و نبي و قوليلي أنا مش بفهم أوى بصيت و لأول وهلة عينى قريتهم ١٦ الف و ٥٠٠ جنيه قلتلها بكل براءة فيه ١٦٥٠٠ جنيه يا أمى لقيت الست خبطت ع صدرها كدة و قالتلي يا نصيبتى ازاى يابنتى اتأكدى قلت اتأكد يمكن هما ١٦٠٠ و انا قريت غلط لكن مع
بقيت عمالة أبصلها و هى خارجة بتتسند ع الحيطة و مش مستوعبة الموقف بس أمن البنك لحقنى و قالي ديه ام سيد بتقف هنا عند الموقف الي جنبنا بتسرح عيال و بتركن عربيات و كدة ياعنى...
استنى يا طنط ام سيد هجيب فوطة صفرا و أجيلك يا طاااااهرة ...
وفضلت ماشية في الشارع افتكر ابويا و الي صرفه عليا و قررت ما افكرش كتير علشان انا صاحبة مرض و دوا الضغط بتاعى ناقص..
