مراتي ست بمييت راجل

منقول
انا اتجوزت ف ٢٠١٦ وساعتها كنت مد.من ترا.ما..دول وبشرب وباخد كل حاجه ومراتي ما كانتش تعرف و ف اول اسبوع م الجواز قولتلها ف الله يباركلها قالتلي طب لازم تبطل وبعد ٥ ايام بدأت ابطل واتعالج وطبعا كنت باخد منومات وجسمي كان بيتكسر وهي ما كانتش بتنام كانت بتسهر عشان تشربني وتدعكلي جسمي وفعلا كانت بتنام بمعدل ٣ او ٤ ساعات ف اليوم ومع ذلك كانت بتنضف شقتنا وتنضف شقة ابويه كمان وكانت بتتعب جدا وطبعا ابطل وارجع وابطل وارجع ..سنه ع الحوار دا وف نهاية السنه جواز طلقتها
بعدين هي حاولت ترجعلي تاني
وانا حسيت اني من غيرها هضيع

وطبعا اهلي كانوا رافضين واهلها كمان لان بنتهم اتطلقت من غير اسباب.دا غير انها طانت رايحه عند اهلها تزورهم وهي هناك كلكتهم وقولتلهم بنتكم ما تجيش تاني وبعد يومين بالظبط كنت مطلقها ..المهم بعد مشاكل كتير دا غير انها اتُهمت في عرضها من طرفنا وبرضه أصرت ع الرجوع ووقفت ادام اهلها وكانت بتنضرب منهم ل درجة انها اتعورت واتخيطت ..ف عرضت ع اهلها امضيلهم ع شيك ع بياض وقايمه ب ١٠٠ الف مع العلم ان قايمتها كانت ب ٤٠ الف..ومضيت ع ورقة ان اي امضاء منها وانا متجوزها لا يُعتمد بيها ..
ورجعنا وعشنا مع بعض ف بيت بالايجار وطبعا حاولت معايا عشان ابطل ولمدة ٣ سنين ابطل وارجع وهكذا وكنت اضړبها واخد دهبها ابيعه عشان اشتري ترامادول وما كانش بيكون فيه اكل ف البيت ف كانت تصوم
طبعا مشاكل كتير جدا وهي تعبت كتير جدا يعني روحت مره اتعالج ف بيت ابويه ف ماكانوش يدوها اي فلوس وطلعت تشتغل ف كانت بتمشي رايح جاي عشان توصل للشغل ما يقرب من ١٠ كيلو
لحد ما اقترحت عليه اننا نغير المكان ونروح بلد تانيه وفعلا نقلنا ودي كانت بداية الحياه الجديده انا كنت حافظ القران وكنت بعرف اقرأ كويس بالاحكام
ف لما نقلنا بلد تانيه كنت اروح اصلي ف الجامع احيانا ف كانوا بيدخلوني امام لان ما فيش ف المكان دا شيخ بيقرأ كويس غير اتنين وساعات ما يبقوش موجودين
المهم دخل شهر رمضان فقالولي انت اللي هتقول الدرس اللي ف التراويح قولتلهم لا مش هعرف قالوا اعمل حسابك ع كده
روحت البيت وقولتلها قالتلي انت هتقدر انت كويس ودي فرصه بص تعالي وجابت ورقه وقلم وقالتلي اكتب الدرس اللي هتقوله المهم كتبت فقعدت ادامي وقالتلي يلا انا الناس اهو وانت قول فبدأت اتكلك كاني ف درس التراويح ف تقولي لا بلاش دي اعمل كذا اعمل كذا وبقت تدربني
لحد ما دخل شهر رمضان وقولت الدرس والتاني والتالت .. وف اليوم التالت كنت لسه بشرب سجا.ير بس ..فقالتلي مش هينفع تشرب سجا.ير وانت بتوعظ الناس ودي كانت البدايه وفعلا بطلت السجا.ير وف اخر شهر رمضان اتزنقو ف الخطبه ف خطبت اول خطبة ف حياتي ومن يومها الي الآن وأنا معروف ف مكاني ب الشيخ احمد
وحاليا انا حفظت القران تاتي وبحفظ الاطفال قرآن وبخطب وبدي دروس ف المساجد
ودا كله بفضل الله ثم بفضل زوجتي المحترمه الصبوره المؤدبه ومهما تمر الايام مستحيل اوفي لها حقها او ارد ليها ١% من وقفتها معايا
ربنا يديمها جنه ليا ف الدنيا والاخره
اجمل واحن زوجه ف العالم
ع فكره لحد دلوقتي ٨ سنوات لم يرزقنا الله اطفال بس حتي ولو ما فيش أطفال
فهي مش محسساني حتي بكده لانها مكفياني ف كل حاجه بحس انها بنتي وزوجتي وامي واختي وهي كل حاجه ليه ف الدنيا دي