ولادي الاتنين بينهم مشاكل

السلام عليكم عندي إبنين الكبير ٣٨ سنه و الصغير ٢١ سنه ابني الكبير إجتهد في الدراسه و جاتله منحه بره مصر و سافر من سنة ٢٠٠٨ و استقر في أمريكا درس دبلومه ثم مجستير ثم دكتوره في مجال الميكانيكا و مكنيكا السيارات و نجح في حياته جدا و عمل ثروه كبيره طبعا لان امريكا بتحسب الضرايب علي الشغل الحر بناء علي حاجات كتيره من ضمنها حساب الشخص في البنك فهو كان بيحولي الفلوس بشكل دائم و كنت بشتري بيها سبايك دهب او اشيلها دولارات افتتح مطعمين في ٢٠١٥ و نجحو جدا و في ٢٠٢٠ فتح شركة تصليح سيارات بنظام التامين و فتح اكتر من ١١ فرع في الولايه بتاعته و نجح جدا جدا ربنا يقويه حاليا حسب الفلوس إلي بعتهالي طول ١٢ سنه من اول ما بدا لحد دلوكتي بعت تقريبا ٣ مليون و ٦٠٠ الف دولار هو حاليا ډخله بيذيد جدا و كل الفلوس دي متجمده في دهب كنت متعوده اشتري سبايك دهب و اركنها للذمن حاليا ابني الصغير عاوز يتجوز و بي الفعل جوزته بس طبعا لانه معندوش شغل ولا عاوز يسافر ولا يتعب و صعب عليه اخدت من فلوس اخوه ما يعادل ٢٠٠ الف دولار علشان اجوزه و بنيتله شقه في الدور التاني روعه و خطب و دفع المهر المشكله انه كان بيسحب فلوس كتير و ينفق علي خطيبته و دفع ٦٠٠ الف جنيه لشركة سياحه علشان يسافرو بره شهر عسل و طبعا هو مبلغشي اخوه عن الموضوع ده ولا حتي بلغه عن موعد الفرح انا بلغته نزل من بره هو و مراته و إبنه و قالي يا امي حاليا انا هفتح فروع جديده للشركه بتاعتي و محتاج الفلوس إلي بعتهالك كلها و قعد يحسب فيها بي الجنيه لقي العجز ده قالي راحو فين قلتله إلي حصل قام إتخانق مع اخوه و قاله هو انت معندكشي ډم ليه انت تتجوز من فلوسي و طبعا قاله انت اخدت من فلوسي ١٠ مليون جنيه و انا عاوزهم وإلا هبلغ السفاره و انا معايه إصالات بي الفلوس إلي بعتهلكم كلها و طبعا طرد اخوه من البيت و طرد مراته و قالها لما جوزك يبقا راجل و يعرف يصرف عليكي ابقي تعالي و حاليا بلغ السفاره و رافع علي محمد اخوه قضيتين سرقه و عدم امانه و انا مش عارفه اعمل ايه