بنت اخويا المسكينة

 انا معايا بنت اخي اكتشفنا ان جوزها عاوزها تمشي ف موضوع   والعياذ بالله .. ف هي رفضت وطلبت منه الطلاق  لكن عايزه تاخد حقها بما يرضي الله لان معاها منه طفل  ف هو رفض يديها حقها .. ف لجأت للقضاء .. وانا وباقي اعمامها كنا متضامنين معاها .. ف المحامي طلبنا ك شهود معاها .. لغاية هنا الامور تمام للعلم هي سجلت المكالمه بينها وبينه ف الموضوع ده لانه خارج مصر حاليا .. علشان بس الصوره تكون واضحه بأنها صادقه ولا تدعي عليه كڈبا 

ف لما لجئنا للمحامي طلبنا شهود معاها قدام القاضي لكن المشكله ان المحامي قال فيه كام نقطه كده لازم يتثبته ف الشهاده ذي اننا نقول انه مد ايده عليها وضربها قدامنا  اثناء ما كنا  بنحاول نتمم موضوع الانفصال بالود من غير محاكم .. 
ف قولنا كده فعلا انه ضربها قدامنا 
بس ف الحقيقه ده محصلش ..
لاننا مقعدناش معاه اصلا ولا اتجمعنا ف مكان واحد ..، كل المحاولات والنقاشات ف الموضوع كانت عن طريق الفون فقط لانه خارج مصر،،  لكن كنا مضطرين نقول كده لان صلب الموضوع اساسا احنا مش جايين عليه ف حاجه وانه شخض لا يؤتمن 
ف هل كده دي تعتبر شهادة زور وهتحاسب عليها قدام ربنا ولا تعتبر وسيلة مساعده  للتخلص من هذا الشخص؟
ارجو الرد  علشان قلبي مش مطمن