الا ابويا

#مشكله عضوه 
انا متجوزه من ست شهور حصل مشاكل بيني وبين جوزي وكان خلال المشاكل دي  يمد ايده عليا وانا اسكت له ومكنتش بحكى خالص من اهلي على اللي بيحصل ده ولا لاهلي ولا اي حد لغاية اخر خڼاقه دى واتصلت باهلي عشان خاطر يجو لي ولما جم وسالوه ايه اللي حصل فانا حكيت لهم هما قالوا ليه انت غلطان وبعدين حسيت ان هو بيقل ادبه على والدي وكل ما يكلمه يقول له لو مش عاجبك كلامي خذ بنتك وانت ماشي الكلمه استفذتنى  قلت له يعني ايه كلامك ده انا قاعده في بيتى  مش قاعده عند حد المهم امه سمعتنا وطلعت عشان تحجز وقعدت تقول استهدوا بالله فبعدين اهلي حكولها كل اللي حصل وكل  المواقف اللي حصلت منه  وان هو بيمد يده علي وبعدين وبابا بيحكي معها فجأة لقيت جوزي قايم عاوز 

يمد يده على بابا لاقيت نفسي من غير اراده مني جبت الشياله من على الترابيزه بتاعه الصالون ونزلت بيها على دماغ جوزي وقلت له إلا ابويا المهم ان المشكله كبرت وحاول يضرب ابويا ثاني رحت مسكته ضړبته بالشبشب والناس طبعا اتلمت وروحت مع اهلي انا لي دلوقت اسبوعين عند اهلي وهو بيحاول يبعث صلح وانا رافضه واهلي مغلطني اني رفعت ايدي عليه وقولوا لي عيب بس انا ابويا صعب علي هو انا غلطت كده