انا غضبانه عند اهلي

انا غضبانه عند اهلي جوزي ضړبني وحلف عليا بالطلاق مانا بايته ف البيت كل دا علشان كان واخد بنتي تحت عند اهله هي عندها ١٠ شهور وسامعه البنت عماله ټعيط ابن عمتها عمال يشد منها اللعب ويضايقها ويقولها متوجعيش دماغنا متقرفيناش وجوزي ساكت ،فرنيت على جوزي يطلع البنت طلع اټخانق معايا بقوله الولد بيضايق بنتك مش عارف تقوله عيب كدا لو مش طايقنها مش هنزلها قالي انتي مين انتي عشان تقولي تنزل ولا لا بقوله انا امها ال تعبت فيها وكل يوم بغسل واطبخ واغسل واخش الحمام وهي ع دراعي لا عارفه اكل ولا انام ولا افرد ضهري ولا حد بيشيل عني دقيقه والاخر تقولي انا مين انا بحمي بنتي ومش هسمح لحد يضايقها راح شاتمني وقالي انتي مكنتيش تنفعي للجواز اصلا قولتله يعني بعد كل التعب وانت وبنتك وبيتك شايله لوحدي بتقول كدا طب مش قاعدالك فيها قالي ف ستين داهيه اخته سمعتنا تحت بعلو صوتها وقعدت تضحك م المنور عشان تسمعني بقوله شايف ال بتشمت راح ضاربني بيتشطر عليا وخاېف من اخته وابنها يقوله عيب متضايقش البت ،اخويا جه لقاني مضړوبه قال انا هاخد اختي راح جوزي متخانق معاه وضاربني تاني قدام اخويا ومكانش عايز يديني بنتي بقوله حرام عليك دي بترضع فقال هجيبلها علبه لبن ،بقا يستبدل الام بعلبه لبن انا ال سهرت وضهري اتقطم وجالي هبوط م الرضاعه عشان كان بيبخل يجيب للبنت علبه لبن اهله كانو يقولوله اللبن غالي خليها ترضعها عشان يوفرو وصحتي راحت عليها عايز يكسر قلبي وياخد البنت مني رحت مصوته راح لاطشني بالقلم وبنتي القلم طالها اتضربت معايا البنت اتسرعت اخويا شد البنت وشدني وخرجنا م البيت ف نص الليل دلوقتي انا كدا غلطانه ف حاجه هو اخته مقيمه تحت هي وابنها وعلطول يضايقوني لما تسمع ان جوزي بيزعقلي تطلع تضحك والدي اتوفى كانت تطلع تغني وتضحك بصوت عالي ابنها يقعد يفعص ف بنتي اقوله كدا عيب ياحبيبي تقولي لا مش عيب اعمل ال انت عايزه ف البت ياواد دي بتاعتنا وانتي مجرد واحده بترضع ،يعني انا غلطانه اني بغير ع بنتي ومش عايزه الولد يضايقها ولا يلزق فيها ولا يلمسها الولد السنه الجايه داخل المدرسه وانا كل مااتكلم انه عيب كدا عايزها تنام جمبه ويحضنها ويبوسها يقولولي دا عيال سبيهم انا كدا غلطانه؟