شكلي بقى وحش

انا عارفه انها ممكن تكون مشكله تافهه انا كنت سايبه حواجبي شويه عشان تتخن لان من كتر ما كنت بعملها ابتديت تخف وشكلها راح خالص عن الاول روحت لكوافيره اللى بتعملى  عشان العيد وكده الدنيا زحمه ڼار هناك روحت ٣ مرات لقيت نفس الكلام لفيت على كوافيرات كلهم رجاله وكده فمنفعش معايا روحت. لكوافير كده جنبي صاحبته من الكوافيرات اللى تشوفيها تقولى دى كوافيره مضبطه نفسها خالص يعني المهم الدنيا كانت زحمه طبعا جابت اللى قاعده على الكاشير تعملي انا اول مره اروح فافتكرتها بتعمل عادى وقاعده على الكاشير بدالها قولتلها نضفي بس متجيش جنبهم ولا ترفعي ولا تلعبي فيهم قعدت تحلفلى انها فهمانى وقالتلى غمضى عينك قعدت نص ساعه تعملى حواجبي اللى الكوافيره تانيه بتاخدها فى دقيقه بالضبط قلقت فقولتلها انتى بقالك كتير قالتلى انا بعملهملك بضمير عشان اللى كنتى بتروحيلها بتكروت وانا مش بعملك بالخيط انا بعمل بالملقاط قولتلها تمام عملتلى حواجبي ونادت صاحبه الكوافير تشوفهم قالتلها تسلم ايدك حلوين ورسمتهم حلوة  لقيتها جابت الموس والمقص وبتقص فقولتها بتعملى ايه قالتلى مټخافيش المهم لقيتها بتحطلى حنه فوق حواجبي قولتلها متحطيش راحت قايلالى دى مجانا انهارده عشان العيد فقالتلى مش هتبقى باينه ومش هتحتاجى مصحح حواجب قولتلها تمام وقالتلى انا مسحتها اهوا وخليت الحتت اللى من فوق عشان فى فراغات افتكرت ان فراغات عاديه الصغيره دى اللى مش باينه روحت البيت بشيل الحنه لقيت ربع حاجبي من النص طاير انا مضايقه على منظرى جدا وحرفيا مش ببص فى المرايه من القهره وكل ما ابص احس ان بهتانه وكان عندى مرض مبوظه شكلى خالص منها لله ولازم اما انزل احط مصحح حواجب جامد عشان تداري اللى عملته اروحلها اهزقها وكده ولا  انزل على جروبها اللى عملته معايا انا تعبانه اوى من المنظر وانا فى البيت حطه مصحح حواجب عشان اتقابل المنظر انا حواجبي مش بتتطلع الا بطلوع الروح يعني فيها كتير اوى لحد ما ترجع لطبيعتها وغيرتلى رسمه حواجبي بقى واحد نايم والتاني طالع لفوق انا قلبي وجعنى والله من المنظر قولولى اعمل ايه اڤضحها ولا اسكت